शाळेच्या इमारतीवर घाटे नगरसेवकांचा ‘अनधिकृत ताबा’? वीजचोरीचाही आरोप;नगरसेवक मनीषा घाटे, धीरज घाटे *यांचा नवीन अनधिकृत प्रताप उघड युवक काँग्रेस ची कारवाईची मागणी
पुणे,२ जुलै २०२५ –
पुणे महानगरपालिकेच्या शिक्षण विभागातून माहिती अधिकाराअंतर्गत मिळालेल्या पत्रातून एक गंभीर आणि धक्कादायक बाब उघड झाली आहे. मा. नगरसेविका मनीषा घाटे व भाजप शहराध्यक्ष मा नगरसेवक धीरज घाटे यांनी पुणे मनपा शाळा क्र. ६५ (सर्जेराव साळवे विद्यालय, आंबील ओढा कॉलनी) येथील शासकीय इमारतींवर अनधिकृत ताबा मिळवला असून, वीजचोरी केल्याचा आरोपही यामध्ये स्पष्टपणे मांडण्यात आला आहे.
यासंदर्भात महावितरण च्या अतिरिक्त कार्यकारी अभियंता पेशवे पार्क उपविभाग कार्यालय यांस तक्रार देण्यात आली आहे.
*सदर माहिती, २७ मे २०२५ रोजी पुणे महानगरपालिकेच्या प्राथमिक शिक्षण विभागाच्या जावक क्र. २२ या पत्रातून प्राप्त झाली आहे. यामध्ये नमूद आहे की, आंबील ओढा येथील शाळा क्रमांक ६५ मधील दोन मजली इमारतीतील एकूण तीन खोल्यांची चावी मा नगरसेवक श्रीमती मनीषा घाटे, श्री धीरज घाटे यांकडे आहे.* त्या खोल्यांमध्ये अभ्यासिका, संगणक कक्ष आणि वर्गखोल्यांचे स्वरूप तयार करून खासगी वापर सुरू आहे.
सदर इमारतीत एकूण ५० खुर्च्या, ४० अभ्यासिका कंपार्टमेंट्स, संगणक व विजेची सोय असून, मनपाच्या कोणत्याही परवानगीशिवाय या खोल्या वापरण्यात आल्या आहेत. विद्युत वापरासंदर्भात कोणतीही अधिकृत परवानगी नसल्याने महावितरणच्या कायद्यानुसार (कलम १३५/१२६) सदर बाब वीजचोरी ठरते.
याप्रकरणी युवक काँग्रेसचे सरचिटणीस सागर धाडवे यांनी प्रतिक्रिया देताना म्हटले की, “शाळेच्या नावावर बांधलेल्या इमारतींवर राजकीय दबाव वापरून ताबा मिळवणे आणि विना परवाना वापर सुरू ठेवणे हा गुन्हा आहे. या संदर्भात प्रशासकीय कारवाईची आम्ही मागणी करीत आहोत.”
“शाळा क्रमांक ६५ आणि १७ या दोन्ही ठिकाणी वीजचोरी झाल्याचे स्पष्ट झाले आहे. यामध्ये मालमत्तेचा अनधिकृत ताबा व शासकीय मालमत्तेचा गैरवापर असून, पुणे मनपाचे प्रशासन, क्षेत्रीय अधिकारी आणि महावितरण यांनी यामध्ये ‘सहकार्य’ केल्याचा संशय आहे. कायदेशीर कारवाई होईल की प्रशासन राजकीय दबावाखाली झुकणार, हे पाहणे गरजेचे आहे.” कारण महावितरण चे अधिकारी या प्रभागात वीजचोरांना साथ देत असल्याचे दिसत आहे आणि सामान्य माणसाला ५०० ₹ वेळेत न भरल्या वीजतोड करीत आहेत.
या संदर्भात यासंदर्भात पुणे महानगरपालिका मालमत्ता विभाग व शिक्षण विभाग अद्याप मौन बाळगत असल्याचे दिसून येते. नागरिक, राजकीय पक्ष व समाजसेवक आता या प्रकरणात कायद्यानुसार ठोस कारवाई होईल का, याकडे लक्ष ठेवून आहेत.
सदर प्रकरणात खालील प्रमाणे कायदेशीर कलमानुसार कारवाई करावी अशी मागणी युवक काँग्रेस चे सागर धाडवे यांनी महावितरण ला आणि पुणे मनपा ला निवेदनात केली आहे :
• IPC कलम 441 व 447 – अनधिकृत प्रवेश व अतिक्रमण
• Public Premises Act, 1971 – सार्वजनिक मालमत्तेचा अनधिकृत वापर
• वीज अधिनियम कलम १२६ – बेकायदेशीर वीज वापर व वीजचोरी
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
