हॉटेलमध्ये जास्त पाणी बॉटलचे बिल लावून ग्राहकांची फसवणूक
FDA व ग्राहक कार्यालयात तक्रार दाखल
पुणे (येरवडा) :
शहरातील हॉटेल व्यवसायात ग्राहकांची फसवणूक होण्याचे प्रकार वाढत असल्याचा आणखी एक प्रकार येरवडा परिसरात उघडकीस आला आहे. याबाबत FDA व राष्ट्रीय ग्राहक तक्रार निवारण कार्यालयात तक्रार दाखल करण्यात आली असून तक्रार क्रमांक 8589479 असा आहे.
याबाबत माहिती देताना सचिन अगन भोसले यांनी सांगितले की, दिनांक 26 जानेवारी 2026 रोजी ते आपल्या मित्रमंडळीसह राधा हॉटेल, आळंदी रोड, मेटल कॉर्नर बसस्टॉप समोर, येरवडा, पुणे येथे चहा पिण्यासाठी गेले होते. त्या वेळी त्यांनी फक्त एकच पाणी बॉटल घेतली होती. मात्र बिल तपासल्यानंतर असे निदर्शनास आले की हॉटेल चालकाने दोन पाणी बॉटलचे बिल लावून अतिरिक्त पैसे आकारले.
एकच बॉटल घेतली असतानाही जाणीवपूर्वक जास्त बिल लावणे हा प्रकार ग्राहकांची फसवणूक व अन्यायकारक व्यापार पद्धत असल्याचे त्यांनी नमूद केले. या प्रकरणी संबंधित हॉटेल चालकाकडे विचारणा केली असता समाधानकारक उत्तर देण्यात आले नाही.
सदर प्रकरणाची दखल घेत FDA तसेच ग्राहक तक्रार निवारण कार्यालयाने तक्रार नोंदवून घेतली आहे. या प्रकरणाची सखोल चौकशी करून संबंधित हॉटेलवर कठोर कारवाई करण्यात यावी, अशी मागणी तक्रारदार सचिन भोसले यांनी केली आहे.
तसेच अशा प्रकारच्या घटनांमुळे सामान्य ग्राहकांची फसवणूक होत असून प्रशासनाने यावर कडक भूमिका घ्यावी, अशी अपेक्षा नागरिकांकडून व्यक्त केली जात आहे.
—
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
