मुंबई-गोवा राष्ट्रीय महामार्गावरील अपुरी राहिलेली कामं गणेशोत्सवापूर्वी पूर्ण करण्याचे निर्देश
मुंबई, दि. १३ ऑगस्ट – आगामी गणेशोत्सवाच्या पार्श्वभूमीवर मुंबई-गोवा राष्ट्रीय महामार्गावरील अपूर्ण कामं तातडीने पूर्ण करण्याबाबत आज महत्त्वपूर्ण बैठक घेण्यात आली. सार्वजनिक बांधकाम मंत्री यांच्या अध्यक्षतेखाली झालेल्या या बैठकीत संबंधित विभागांना आणि जिल्हा प्रशासनांना सविस्तर सूचना देण्यात 
आल्या.
बैठकीत इंदापूर- माणगावजवळील भुयारी मार्गानजीक राज्य शासनाच्या अखत्यारितील रस्त्यासाठी आवश्यक असलेल्या २१ कोटी रुपयांचा निधी तातडीने उपलब्ध करून कामं पूर्ण करण्याचा निर्णय घेण्यात आला. गणेशोत्सव कालावधीत महामार्गावर वाहतूक कोंडी टाळण्यासाठी जिल्हा प्रशासनांनी काटेकोर नियोजन करावे, असे निर्देश देण्यात आले.
राज्यस्तरीय समितीमार्फत चौपदरीकरणाची कामं, रस्त्यावरील खड्डे भरणे, दिशादर्शक फलक बसविणे, पूल बांधकाम आणि इतर संबंधित कामं वेळेत पूर्ण करण्याचं नियोजन करण्यात येईल. तसेच महामार्गावर ट्रामा केअर सेंटर उभारणे, दर ४० किलोमीटरवर शौचालयांची सुविधा उपलब्ध करणे यासारखी कामं हाती घेण्यात येणार आहेत. धोकादायक खड्ड्यांच्या तातडीने दुरुस्तीसाठी दोन अधिकाऱ्यांची नियुक्ती करण्यात येईल आणि त्यांचे संपर्क क्रमांक नागरिकांना उपलब्ध करून दिले जातील.
गणेशोत्सव कालावधीत वाहतुकीला अडथळा ठरणारी मोठ्या प्रमाणातील बांधकामं तात्पुरती थांबविण्याचे निर्देशही देण्यात आले. रायगड, रत्नागिरी आणि सिंधुदुर्ग जिल्हा प्रशासनांनी वाहतूक कोंडीची ठिकाणं पाहणी करून वाहतुकीचं नियोजन करावं. अवजड वाहनांच्या हालचालींचं नियोजन, घाट रस्ते आणि वळणांवर आपत्कालीन यंत्रणा सज्ज ठेवणे, तसेच वैद्यकीय सुविधा उपलब्ध ठेवण्याचे आदेश देण्यात आले.
सदर बैठकीत सर्व संबंधित विभागांचे वरिष्ठ अधिकारी उपस्थित होते.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
