“5 मृत्यू, पण अधिकृत माहिती शून्य!”
अजित पवार कथित विमान अपघात प्रकरणी उच्चस्तरीय चौकशीची मागणी”
पुणे | दि. 28 जानेवारी 2026 रोजी माध्यमांमधून उपमुख्यमंत्री श्री. अजित पवार यांच्याबाबत कथित विमान अपघात झाल्याची धक्कादायक व गंभीर बातमी प्रसारित झाली. या कथित दुर्घटनेत पाच जणांचा मृत्यू झाल्याचे सांगितले जात असतानाही, दीर्घ कालावधी उलटूनही शासनाकडून कोणतीही अधिकृत, स्पष्ट व विश्वासार्ह माहिती जनतेसमोर सादर करण्यात आलेली नाही. यामुळे संपूर्ण महाराष्ट्रात संभ्रम, भीती व अस्वस्थतेचे वातावरण निर्माण झाले आहे.
या गंभीर प्रकरणी पंजेतन पवित्र संघटना तर्फे
महाराष्ट्र राज्य अध्यक्ष मा. श्री. हनिफ भाई शेख, महाराष्ट्र राज्य कार्याध्यक्ष श्री. मतीन मदार, पुणे शहर अध्यक्ष श्री. शोऐबभाई सय्यद व पुणे शहर महिला अध्यक्ष सौ. फरहाना सय्यद
यांनी संयुक्तपणे (समष्टीने) आदरणीय मुख्यमंत्री महोदय व पुणे जिल्हाधिकारी महोदय यांच्याकडे लेखी निवेदन सादर केले आहे.
संवैधानिक पदावर असलेल्या व्यक्तीशी संबंधित एवढ्या गंभीर स्वरूपाच्या घटनेबाबत प्रशासन, सुरक्षा यंत्रणा व संबंधित विभागांनी मौन बाळगणे, वेळेत अधिकृत माहिती न देणे तसेच माध्यमांमध्ये परस्परविरोधी बातम्या येणे, हे अत्यंत चिंताजनक असून लोकशाही व्यवस्थेसाठी धोकादायक असल्याचे संघटनेने नमूद केले आहे.
तसेच, या कथित विमान अपघातात मृत्युमुखी पडलेल्या पाचही व्यक्तींच्या कुटुंबीयांबाबत अद्याप कोणतीही ठोस मदत किंवा पुनर्वसनाची घोषणा झालेली नसणे, ही बाबही अत्यंत दुर्दैवी असल्याचे संघटनेने स्पष्ट केले आहे.
पंजेतन पवित्र संघटनेच्या प्रमुख मागण्या :
कथित विमान अपघाताची तातडीने उच्चस्तरीय, स्वतंत्र, निष्पक्ष व पारदर्शक चौकशी
दुर्घटनाग्रस्त विमानाची तांत्रिक स्थिती, देखभाल, उड्डाण परवानगी व सुरक्षा नियमांची सखोल तपासणी
माहिती देण्यात व कार्यवाही करण्यात झालेल्या गंभीर दुर्लक्षाबाबत संबंधित अधिकाऱ्यांची जबाबदारी निश्चित करणे
दोषी आढळणाऱ्या व्यक्ती, अधिकारी किंवा संस्थांवर कडक व उदाहरणार्थ कारवाई
मृत पाचही व्यक्तींच्या कुटुंबीयांना तात्काळ आर्थिक मदत व सानुग्रह अनुदान जाहीर करणे
चौकशी पूर्ण झाल्यानंतर सविस्तर अहवाल सार्वजनिक करणे
जोपर्यंत या प्रकरणाचे सत्य जनतेसमोर येत नाही, तोपर्यंत हा विषय सोडून दिला जाणार नाही, असा ठाम इशारा पंजेतन पवित्र संघटनेच्या वतीने देण्यात आला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
