गट क्रमांक ७२, कोळवडी (साष्टे) गावातील रस्त्यावरून मुरूम चोरी, शासकीय मालमत्तेची नासधूस व अनधिकृत उत्खनन प्रकरणाची मुख्यमंत्री कार्यालयाकडून दखल
दि. १९ जुलै २०२५ रोजी पत्रकार आमिर शेख यांनी पुणे जिल्ह्यातील हवेली तालुक्यातील कोळवडी साठे (गट क्रमांक ७२) येथील रस्त्यावरून मोठ्या प्रमाणात मुरूम चोरी, शासकीय मालमत्तेची नासधूस व बेकायदेशीर उत्खनन प्रकरणाबाबत मुख्यमंत्री देवेंद्र फडणवीस, जिल्हाधिकारी पुणे, तहसीलदार हवेली आणि अन्य संबंधित अधिकाऱ्यांना तक्रार ई-मेलद्वारे सादर केली होती.
सदर तक्रारीस दि. २३ जुलै २०२५ रोजी मुख्यमंत्री कार्यालयाकडून “संबंधित विभागांकडे पाठविण्यात आली आहे” अशी अधिकृत ई-मेल उत्तराद्वारे दखल घेण्यात आली आहे. यामुळे संबंधित अधिकाऱ्यांकडून चौकशी आणि गुन्हा दाखल करण्याच्या प्रक्रियेस गती मिळण्याची अपेक्षा आहे.
पत्रकार आमिर शेख यांनी या प्रकरणातील ५.९ एमबीचा पुरावा स्वरूपात पीडीएफ देखील सादर केला असून, त्यामध्ये छायाचित्रे व घटनास्थळाचे पुरावे दिले आहेत.
यासंदर्भात स्थानिक प्रशासनाने तत्काळ गुन्हा दाखल करून जबाबदार व्यक्तींवर कायदेशीर कारवाई करावी, अशी मागणी ‘क्राईम महाराष्ट्र लाईव्ह न्यूज’मार्फत करण्यात येत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.
