शिवसेनेच्या उमेदवार निवड प्रक्रियेला जोरदार सुरुवात
पहिल्याच दिवशी मुलाखतींचा झंझावात; ४१ प्रभागांतून ३३६ इच्छुकांची उपस्थिती
पुणे | प्रतिनिधी
शिवसेना उद्धव बाळासाहेब ठाकरे पक्षाच्या वतीने पुणे महानगरपालिकेच्या आगामी निवडणुकांच्या पार्श्वभूमीवर उमेदवार निवड प्रक्रियेला भक्कम सुरुवात झाली आहे. नाना पेठ येथील शिवसेना संपर्क कार्यालयात काल व आज दोन दिवस चाललेल्या या मुलाखतींना शिवसैनिकांचा उत्स्फूर्त प्रतिसाद लाभला.
शिवसेना संपर्क प्रमुख सचिन भाऊ अहिर यांच्या मार्गदर्शनाखाली पार पडलेल्या या प्रक्रियेत पुणे शहरातील सर्व ४१ प्रभागांतून एकूण ३३६ इच्छुक उमेदवारांनी आपली मुलाखत दिली. त्यापैकी पहिल्याच दिवशी २४ प्रभागांतून १५६ इच्छुक मोठ्या संख्येने उपस्थित होते.
या मुलाखतींसाठी शिवसेना सहसंपर्क प्रमुख आदित्यजी शिरोडकर, शहरप्रमुख संजय मोरे, गजानन थरकुडे, राज्य संघटक वसंत मोरे, माजी शहरप्रमुख रामभाऊ पारिख, प्रशांत बधे तसेच कार्यालयीन सचिव मकरंद पेठकर यांनी सकाळपासून विशेष मेहनत घेतली.
संपूर्ण शहरातून वाजत-गाजत शिवसैनिक मोठ्या संख्येने सहभागी झाले होते. संपर्क कार्यालयात अत्यंत ऊर्जात्मक व सकारात्मक वातावरण निर्माण झाले असून, या प्रक्रियेमुळे आगामी पुणे महानगरपालिका निवडणुकीच्या दृष्टीने पक्षसंघटना अधिक बळकट करण्यावर शिवसेनेचा ठाम भर असल्याचे स्पष्ट झाले आहे.
उर्वरित प्रभागांतील इच्छुक उमेदवारांच्या मुलाखती पुढील टप्प्यात घेण्यात येणार असून, या प्रक्रियेला शिवसैनिकांकडून सातत्याने उत्स्फूर्त प्रतिसाद मिळत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
