गोटुंबे आखाडा ते वांबोरी रोडलगत खड्डा खणल्याने तणाव
Crime Maharashtra Live News |
सहसंपादक – शिवाजी दवणे
गोटुंबे आखाडा ते वांबोरी रोडलगत मागील २–३ दिवसांपासून मोठा खड्डा खणण्यात आल्याने परिसरात तणावाची स्थिती निर्माण झाली होती. या खड्ड्यामुळे वाहतूक अडथळे, अपघाताचा धोका तसेच स्थानिक नागरिकांमध्ये तीव्र संताप निर्माण झाला होता.
या संदर्भात माहिती घेण्यासाठी पत्रकार शिवाजी दवणे यांनी संबंधित अधिकाऱ्यांकडे विचारणा केली असता, “खड्डा तात्काळ बुजवण्यात येईल” असे आश्वासन देण्यात आले. मात्र त्यानंतर कोणताही अधिकृत अधिकारी घटनास्थळी उपस्थित नसताना, किरण तांबे नामक व्यक्तीने पत्रकार शिवाजी दवणे यांच्याशी गलिच्छ व अपमानास्पद भाषेत संवाद साधल्याचा आरोप करण्यात आला आहे.
सदर व्यक्तीने “तू काय पत्रकार आहेस का? इथे का आला आहेस?” अशा शब्दांत उद्दामपणे बोलल्याने नागरिकांमध्ये तीव्र संताप व्यक्त केला जात आहे.
विशेष म्हणजे, पत्रकारांनी विषय उचलून धरल्यानंतरच तीन दिवसांपासून उघडा असलेला खड्डा बुजवण्यात आला, हेही या प्रकरणात ठळकपणे समोर आले आहे. यामुळे प्रशासनाच्या कार्यपद्धतीवर प्रश्नचिन्ह उपस्थित होत आहे.
या घटनेनंतर पत्रकारांचा अवमान, सार्वजनिक ठिकाणी गैरवर्तन आणि कायदा-सुव्यवस्थेचा प्रश्न निर्माण झाल्याचे सांगत किरण तांबे यांच्यावर कठोरात कठोर कारवाई करण्यात यावी, अशी जनतेतून जोरदार मागणी होत आहे.
स्थानिक नागरिकांनी प्रशासनाला इशारा देत म्हटले आहे की,
➡️ भविष्यात अशा प्रकारे अधिकृत कामात अडथळे व पत्रकारांशी गैरवर्तन झाल्यास आंदोलन छेडले जाईल.
➡️ रस्ते खोदकामासंदर्भात लेखी परवानगी, माहिती फलक व जबाबदार अधिकारी यांची उपस्थिती बंधनकारक करावी.
— Crime Maharashtra Live News
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
