Ranjangaon Ganpati येथे ‘कन्याकुमारी ते काश्मीर’ किसान जागृती यात्रेचे भव्य स्वागत
पुणे;; देशातील शेतकऱ्यांच्या विविध प्रलंबित प्रश्नांसाठी सुरू असलेली ‘कन्याकुमारी ते काश्मीर’ किसान जागृती यात्रा दिनांक १६ फेब्रुवारी २०२६ रोजी पुणे जिल्ह्यातील रांजणगाव गणपती येथे दाखल होणार असून, विविध संघटनांच्या वतीने यात्रेचे भव्य स्वागत व सत्कार करण्यात येणार आहे.
प्रसिद्धीस दिलेल्या पत्रकानुसार, शेतकऱ्यांच्या पुढील प्रमुख मागण्यांसाठी ही यात्रा आयोजित करण्यात आली आहे —
किमान आधारभूत किंमतीला (MSP) कायदेशीर हमी
संपूर्ण शेतकरी कर्जमाफी
उसाचा एफआरपी दर ६०० रुपये करणे
जमीन संपादन कायदा २०१३ पुन्हा लागू करणे
पीक विमा योजनेत सर्वसमावेशक सुधारणा
ही यात्रा ७ फेब्रुवारी २०२६ ते १९ मार्च २०२६ या कालावधीत देशभरातून प्रवास करत आहे. यात्रेचे नेतृत्व Jagjit Singh Dallewal, राष्ट्रीय संयोजक, Samyukt Kisan Morcha (गैर-राजकीय) यांच्या मार्गदर्शनाखाली होत आहे.
डल्लेवाल यांनी दिल्ली सीमांवर शेतकरीविरोधी तीन कृषी कायद्यांविरोधात १३ महिने चाललेल्या ऐतिहासिक आंदोलनात नेतृत्व केले होते. तसेच २०१८ मध्ये रामलीला मैदानावर ज्येष्ठ समाजसेवक Anna Hazare यांच्यासोबत शेतकऱ्यांच्या मागण्यांसाठी उपोषण केले होते. त्यानंतरही त्यांनी राज्य व केंद्र सरकारकडे मागण्या मान्य करण्यासाठी १३१ दिवस उपोषण केले होते.
यात्रेच्या स्वागतानंतर मोरया लॉन्स, मंगल कार्यालय, रांजणगाव गणपती येथे सकाळी १० ते दुपारी १ या वेळेत भव्य जाहीर सभा आयोजित करण्यात आली आहे. या सभेत जगजीत सिंग डल्लेवाल शेतकरी व युवकांना मार्गदर्शन करणार आहेत.
या कार्यक्रमात विविध प्रादेशिक शेतकरी संघटना, ग्राहक संघटना, माहिती अधिकार संघटना, भ्रष्टाचारविरोधी संघटना तसेच सामाजिक संस्थांचा सक्रिय सहभाग राहणार आहे.
भवदीय,
शेतकरी संघटना
माहिती अधिकार संघटना
ग्राहक संघटना
स्वराज जनजागृती परिषद
ग्रामस्वराज प्रतिष्ठान
रांजणगाव गणपती ग्रामपंचायत
समस्त ग्रामस्थ
वारकरी सांप्रदाय, रांजणगाव गणपती
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
