पुणे : शहर पोलीस आयुक्तालयाच्या गुन्हे शाखा युनिट-२ ने प्रभावी कारवाई करत तब्बल वर्षभर फरार असलेल्या गंभीर गुन्ह्यातील पाहिजे आरोपीला अटक केली आहे. ही कारवाई दिनांक १९/०४/२०२६ रोजी करण्यात आली असून आरोपीकडून अंमली पदार्थ देखील जप्त करण्यात आले आहेत. �
Unit 2 Crime Branch Press Note dt.19.04.2026.pdf
प्राप्त माहितीनुसार, गुन्हे शाखा युनिट-२ चे अधिकारी व अंमलदार पेट्रोलिंग करत असताना पोलीस अंमलदार उज्ज्वल माने, शिवाजी कागुडे व शंकर कुमार यादव यांना गोपनीय बातमी मिळाली. त्यानुसार दिघी परिसरातील भोसरी रोड भागात एक इसम संशयित अवस्थेत थांबलेला असल्याची माहिती मिळाली.
पोलिसांनी तात्काळ घटनास्थळी जाऊन छापा टाकला असता संबंधित इसम ताब्यात घेण्यात आला. चौकशीदरम्यान त्याचे नाव ओंकार महेश शेरस (वय २५ वर्षे) असे निष्पन्न झाले. त्याच्याकडून अंदाजे १०० ग्रॅम गांजा (किंमत सुमारे ४०,००० रुपये) जप्त करण्यात आला.
तपासात पुढे उघड झाले की, आरोपी ओंकार शेरस हा यापूर्वीच्या गंभीर गुन्ह्यातील (गु.र.नं. ११८/२०२५ सह भा.दं.वि. कलमे व म.पो.अॅक्ट कलमे) वर्षभरापासून फरार असलेला पाहिजे आरोपी आहे. तसेच त्याच्यासोबत अंमली पदार्थ ठेवणारे आणखी दोन साथीदारांविरुद्ध आंबेगाव पोलीस स्टेशन येथे गुन्हा नोंद असून त्या गुन्ह्याच्या तपासासाठीही त्याचा शोध सुरू होता.
या प्रकरणात पुढील तपास आंबेगाव पोलीस स्टेशनमार्फत सुरू आहे. आरोपीविरुद्ध अंमली पदार्थासंबंधी कायद्यांतर्गत गुन्हा दाखल करून त्याला अटक करण्यात आली आहे.
ही कारवाई मा. अपर पोलीस आयुक्त (गुन्हे) श्री. पंकज देशमुख, मा. पोलीस उपायुक्त (गुन्हे) श्री. नितीन पिंगळे तसेच मा. सहायक पोलीस आयुक्त श्री. शैलेश संखे यांच्या मार्गदर्शनाखाली पार पडली.
कारवाईत वरिष्ठ पोलीस निरीक्षक श्रीमती अर्चना जावळे यांच्या नेतृत्वाखालील पथकाने सहभाग घेतला. पथकात
पोलीस निरीक्षक ओमकार साळवे
पोलीस अंमलदार उज्ज्वल माने, शिवाजी कागुडे, शंकर यादव, संकेत कोकाटे, सोमेश गव्हाणे, राहुल खोत, यश कुमार, संजय जाधव, साधना ताहाणे, सहमा तांबोळी, निलेश वडखा, रफिकेश खबदार, संजय आवाने, ओंकार कुमार व विनायक वाघारे
यांचा समावेश होता.
पोलीसांच्या या कारवाईमुळे शहरातील अंमली पदार्थांच्या व्यवहारांवर मोठा आळा बसण्याची शक्यता व्यक्त करण्यात येत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
