पुणे शहरातील चंदननगर पोलिस स्टेशनच्या हद्दीत घडलेल्या मोबाइल चोरीच्या गुन्ह्याचा अवघ्या ४८ तासांत छडा लावत पोलिसांनी आरोपीला अटक करून तब्बल ६६ हजार रुपयांचा मुद्देमाल जप्त केला आहे. या कारवाईमुळे परिसरातील नागरिकांमध्ये समाधान व्यक्त होत आहे.
चंदननगर पोलिस स्टेशन हद्दीत श्रीराम निवास साईनगर भागामधील घरामधून एकूण ७ मोबाईल फोन चोरीला गेले होते. याप्रकरणी दिनांक २७ एप्रिल २०२६ रोजी चंदननगर पोलिस ठाण्यात गुन्हा रजिस्टर क्रमांक १९९/२०२६, भारतीय न्याय संहिता कलम ३०५(अ) अन्वये गुन्हा दाखल करण्यात आला होता.
गुन्हा दाखल झाल्यानंतर तपास पथकातील अधिकारी व अंमलदार आरोपीचा शोध घेत होते. तांत्रिक विश्लेषणाच्या आधारे इसम नामे वेदांत गणेश चव्हाण, वय १९ वर्षे, रा. मांजरी, पुणे याच्यावर संशय व्यक्त करण्यात आला. त्यानुसार पोलिसांनी त्याला ताब्यात घेऊन कसून चौकशी केली असता, त्याने सदर गुन्ह्याची कबुली दिली.
चौकशीत आरोपीकडून चोरीस गेलेले एकूण ७ मोबाईल फोन हस्तगत करण्यात आले. तसेच जप्त करण्यात आलेल्या मुद्देमालाची एकूण किंमत सुमारे ६६ हजार रुपये असल्याचे पोलिसांनी सांगितले. अवघ्या ४८ तासांत हा गुन्हा उघडकीस आणण्यात चंदननगर पोलिसांना यश आले आहे.
ही कामगिरी अपर पोलिस आयुक्त, पूर्व प्रादेशिक विभाग पुणे शहर मनोज पाटील, पोलिस उपायुक्त परिमंडळ-४ पुणे शहर सोमय मुंडे यांच्या मार्गदर्शनाखाली करण्यात आली. वरिष्ठ पोलिस निरीक्षक चंदननगर पोलिस स्टेशन नितेश बडगूजर, पोलिस निरीक्षक (गुन्हे) अमोले धर यांच्या सूचनेनुसार सहाय्यक पोलिस निरीक्षक गणेश जगदाळे, पोलिस अंमलदार डी.आर. लिंगण्णा, गुरव, डोंगरे, बेंद्रे व लहाने यांनी ही कारवाई केली.
चंदननगर पोलिसांच्या या जलद आणि प्रभावी कारवाईचे सर्व स्तरांतून कौतुक होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
