पुणे शहरातील चंदननगर पोलीस स्टेशनच्या गुन्हे शोध पथकाने तत्पर कारवाई करत मोबाईल चोरी करणाऱ्या आरोपीस अवघ्या ०४ तासांच्या आत ताब्यात घेत ६६ हजार रुपयांचा मुद्देमाल जप्त केला आहे. या कारवाईमुळे परिसरातील नागरिकांमध्ये समाधान व्यक्त होत आहे.
चंदननगर पोलीस स्टेशन हद्दीत श्रीराम निवास साईनगर भागामधील घरामधून एकूण ०७ मोबाईल फोन चोरीस गेल्याची घटना उघडकीस आली होती. याप्रकरणी दिनांक २७/०४/२०२६ रोजी चंदननगर पोलीस स्टेशन येथे गु.र.नं. १९९/२०२६ भा.न्या.सं. कलम ३०५(अ) अन्वये गुन्हा दाखल करण्यात आला होता.
सदर गुन्ह्याचा तपास सुरू असताना तपास पथकातील अधिकारी व अंमलदार आरोपीचा शोध घेत होते. तांत्रिक विश्लेषणाच्या आधारे इरम उर्फ वेदांत गणेश चव्हाण, वय १९ वर्षे, रा. मांजरी, पुणे याच्यावर संशय आल्याने त्यास ताब्यात घेऊन चौकशी करण्यात आली. चौकशीत आरोपीकडून दाखल गुन्ह्यातील एकूण ०७ मोबाईल फोन व इतर असा एकूण ६६,००० रुपयांचा मुद्देमाल हस्तगत करण्यात आला. तसेच हा गुन्हा अवघ्या ०४ तासांत उघडकीस आणण्यात पोलिसांना यश आले.
ही उल्लेखनीय कारवाई मा. अपर पोलीस आयुक्त, पूर्व प्रादेशिक विभाग पुणे शहर श्री. मनोज पाटील, मा. पोलीस उपआयुक्त, परिमंडळ-४ पुणे शहर श्री. सोमनाथ मुंडे यांच्या मार्गदर्शनाखाली करण्यात आली.
तसेच वरिष्ठ पोलीस निरीक्षक चंदननगर पोलीस स्टेशन श्री. नितेश बडगुजर, पोलीस निरीक्षक (गुन्हे) श्री. अमोल धर, पुणे यांच्या सूचनेनुसार सहा. पोलीस निरीक्षक गणेश जगदाळे, पोलीस अंमलदार टी.आर. लिंगण्णा, गुरव, डोंगरे, वेद्रे व लहाने यांनी ही कारवाई यशस्वीरीत्या पार पाडली.
चंदननगर पोलिसांच्या या वेगवान कारवाईचे सर्वत्र कौतुक होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
