पुणे | प्रतिनिधी
भारताचे माजी पंतप्रधान लालबहादूर शास्त्री यांच्या स्मारकाच्या नूतनीकरणाच्या कामात गंभीर अनियमितता समोर येत असून, पुणे महानगरपालिकेच्या विविध विभागांमधील समन्वयाच्या अभावामुळे संपूर्ण प्रकल्प वादाच्या भोवऱ्यात सापडला आहे. आवश्यक कायदेशीर प्रक्रिया, करारनामा आणि प्रशासकीय पूर्तता न करताच स्मारकाचे काम सुरू करण्यात आल्याचा आरोप तक्रारदारांनी केला आहे.
वादाची पार्श्वभूमी आणि सुरुवातीचे प्रयत्न
दिनांक ८ मे २०२६ रोजी केवळ ‘वर्क ऑर्डर’च्या आधारे विकासक नाईकनवरे यांच्या माध्यमातून ठेकेदाराकडून स्मारकाची तोडफोड सुरू करण्यात आली होती. मात्र, स्थानिक नागरिकांच्या तीव्र हस्तक्षेपामुळे त्याच रात्री हे काम थांबविण्यात आले. या प्रकरणी शिवसेना प्रभाग समन्वयक प्रतीक आल्हाट यांनी पोलीस प्रशासन तसेच पुणे महानगरपालिका आयुक्तांकडे तक्रारी दाखल केल्या. त्यानंतर ३ जून २०२६ रोजी पुणे महानगरपालिकेच्या मुख्य प्रवेशद्वारासमोर धरणे आंदोलन करण्यात आले.
प्रशासनाचे लेखी आश्वासन आणि पूर्ततेचा अभाव
आंदोलनानंतर प्रशासनाने हस्तक्षेप करत, पुणे महानगरपालिकेच्या बांधकाम अभियंता, झोन-३ यांनी जावक क्र. झोन-३/१५६१ (दिनांक २ जून २०२६) या पत्राद्वारे महत्त्वाचे आश्वासन दिले होते. या पत्रात शहरातील शहर सौंदर्यीकरण समितीच्या मान्यतेनुसार काम करण्याचे, पथ व ट्रॅफिक विभागाकडून अहवाल घेऊन कामाच्या आराखड्यात बदल करण्याचे, नागरिकांच्या सुरक्षेसाठी सुरक्षा रक्षक नेमण्याचे आणि कामाचा आढावा घेऊन कारवाई करण्याचे लेखी आश्वासन देण्यात आले होते. मात्र, या लेखी आश्वासनाची कोणतीही अंमलबजावणी न करता पुन्हा स्मारकाचे काम सुरू करण्यात आले. याबाबत विचारणा केली असता, बांधकाम विभागाने हे कामकाज पथ विभागाकडे सोपविल्याचे सांगितले, तर पथ विभागाने “वरिष्ठांकडून कोणतेही निर्देश प्राप्त झाले नसल्याने आम्ही कार्यवाही करू शकत नाही,” अशी भूमिका घेत जबाबदारी झटकली.
माहिती अधिकारातून समोर आलेले धक्कादायक वास्तव
प्रतीक आल्हाट यांनी माहिती अधिकार कायद्याअंतर्गत संबंधित पत्रावर झालेल्या कार्यवाहीची माहिती मागविली होती. बांधकाम विभाग, झोन-३ चे जनमाहिती अधिकारी तथा उपअभियंता उमेश शिदुक यांनी १० जुलै २०२६ रोजी दिलेल्या पत्रात धक्कादायक बाबी उघडकीस आल्या आहेत. स्मारकाच्या कामाचा प्रगती अहवाल उपलब्ध नाही, काम पूर्ण करण्याचा कालावधी नोंदवलेला नाही आणि जबाबदार अधिकारी, कर्मचारी व अर्ज निवारण अधिकाऱ्यांची माहिती उपलब्ध नाही. उलट, काम करण्याची जबाबदारी पूर्णपणे विकासकाकडे असून देखरेखीची जबाबदारी पथ विभागाची असल्याचे बांधकाम विभागाने नमूद केले आहे.
प्रशासकीय निष्काळजीवर तीव्र संताप
प्रतीक आल्हाट यांनी या गोंधळावर टीका करताना म्हटले आहे की, “प्रशासनाच्या या निष्काळजी कारभारामुळे उद्या स्मारक परिसरात कोणतीही दुर्घटना घडली किंवा बांधकामात निकृष्ट दर्जा आढळला तर त्याची जबाबदारी कोण स्वीकारणार? कामगारांच्या सुरक्षेबाबत, बांधकाम कामगार आयुक्तांकडे आवश्यक नोंदींबाबतही प्रशासन माहिती देण्यास टाळाटाळ करत आहे.” लालबहादूर शास्त्रींसारख्या राष्ट्रनेत्याच्या स्मारकाच्या कामात पारदर्शकता, कायदेशीर प्रक्रिया आणि प्रशासकीय उत्तरदायित्व यांचा पूर्णपणे अभाव असल्याचे यावरून स्पष्ट होत आहे. या प्रकरणाची सखोल चौकशी करून दोषींवर कठोर कारवाई करण्याची मागणी जोर धरू लागली आहे.
सौजन्य: अनंत रामचंद्र घरत, प्रसिद्धी प्रमुख, पुणे शहर.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
