पुणे : महाराष्ट्राचे आराध्य दैवत छत्रपती शिवाजी महाराज यांच्या नावाचा फलक तिरका झाल्याची धक्कादायक बाब पुणे शहराच्या मध्यवर्ती भागात समोर आली आहे. विशेष म्हणजे हा फलक पुणे महानगरपालिकेच्या मुख्य इमारतीसमोरच असतानाही संबंधित प्रशासनाने याकडे पूर्णपणे दुर्लक्ष केल्याचे स्पष्ट झाले आहे.
गेल्या पंधरा दिवसांपासून सामाजिक कार्यकर्ते सचिन भोसले हे या मार्गावरून ये-जा करत असताना त्यांनी हा तिरका झालेला फलक वारंवार पाहिला. सुरुवातीला पालिकेकडून तातडीने दुरुस्ती केली जाईल, अशी अपेक्षा होती. मात्र कोणतीही कार्यवाही न झाल्याने अखेर त्यांनी स्वतःच पुढाकार घेतला.
आज सचिन भोसले व त्यांच्या सहकाऱ्यांनी संबंधित फलक सरळ करून स्वच्छ पाण्याने धुऊन स्वच्छ केला. यावेळी हितेश पाटोळे, अनिकेत गंगावणे, कैलास गोंधळे आणि नंदू राक्षे यांनीही सक्रिय सहभाग घेतला. फलक तात्पुरता स्थिर राहावा यासाठी खालच्या बाजूस दगड लावून त्यास आधार देण्यात आला.
यासंदर्भात सचिन भोसले यांनी ऑनलाईन तक्रारही दाखल केली असून त्यांनी सांगितले की,
“छत्रपती शिवाजी महाराज यांच्या नावाचा फलक तिरका असणे अत्यंत दुर्दैवी आहे. महापुरुषांच्या नावाचा मान राखणे ही प्रशासनाची प्राथमिक जबाबदारी आहे. पुणे महानगरपालिकेने तात्काळ दखल घेऊन हा फलक कायमस्वरूपी व्यवस्थित बसवावा.”
तसेच त्यांनी इशारा दिला की, भविष्यात अशा प्रकारची निष्काळजीपणा पुन्हा आढळल्यास तीव्र आंदोलन छेडण्यात येईल.
ही घटना प्रशासनाच्या कार्यपद्धतीवर गंभीर प्रश्नचिन्ह निर्माण करणारी असून, नागरिकांनाच मूलभूत नागरी जबाबदाऱ्या पार पाडाव्या लागत असल्याचे यावरून स्पष्ट होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
