एक गाव एक शिवजयंती अखिल श्रीक्षेत्र थेऊर शिवजयंती महोत्सव 2026 – वर्ष ५ वे
छत्रपती शिवाजी महाराज यांचा शिवजयंतीचा दिमाखदार शिवशाही सोहळा काल अतिशय उत्साही वातावरणात पार पडला..
श्रीक्षेत्र थेऊर मधील सर्व शिवशंभू भक्त,माता भगिनी आणि लहान थोर मावळे यांची उपस्थिती ही या शिवशाही मिरवणुकीचे प्रमुख आकर्षण होते..
श्रीक्षेत्र तुळापूर ते श्रीक्षेत्र थेऊर शिवज्योतीचे सकाळी श्री चिंतामणी मंदिरामध्ये आगमन झाले त्यानंतर कार्यक्रम स्थळी शिवज्योत स्थापित करून छत्रपती शिवाजी महाराजांची महाआरती माजी सैनिकांच्या हस्ते पार पडली आणि शिव जयंती सोहळ्याला सुरुवात झाली..
शिवशाही मिरवणुकीची सुरुवात श्री क्षेत्र थेऊर मधील पुणे जिल्ह्यात नावाजलेले प्रसिद्ध ढोल पथक नवनाथ ढोल पथक,बेल्हेश्वर ढोल पथक,अष्टविनायक ढोल पथक
यांच्या दमदार ढोल ताशांच्या गजरात झाली..
मिरवणूक सोहळा कार्यक्रम स्थळी पोहोचल्यानंतर प्रथम महाराष्ट्राचे लाडके उपमुख्यमंत्री स्व.श्री अजितदादा पवार यांना श्री क्षेत्र थेऊर मधील तमाम नागरिकांच्या वतीने श्रद्धांजली वाहण्यात आली..
त्यानंतर पंढरपूर येथील लेझीम पथक यांनी सुंदर असा खेळ करून डोळ्याचे पारणे फेडले..तसेच पंढरपूर वरून आलेल्या मावळ्यांनी शिवकालीन चित्तथरारक मर्दानी खेळाच्या कसरतींनी काळजाचा ठोका चुकवला..
महाराष्ट्रात नावाजलेले श्रीक्षेत्र थेऊर मधील अंबिका जग्वार साऊंड सिस्टम यांनी तसेच व्हि जे अण्णा यांच्या लेझर लाईट शो मुळे कार्यक्रमास अधिकच रंगत आली..आणि लहान थोर शिवशंभु भक्तांनी डीजेच्या चालीवर ठेका धरला..
श्रीक्षेत्र थेऊर पोलीस स्टेशन मधील पोलीस अधिकारी यांच्या हस्ते छत्रपती शिवाजी महाराजांची समारोपाची आरती अतिशय आनंदमय वातावरणात पार पडली..आणि कार्यक्रमाची सांगता झाली..यामध्ये श्रीक्षेत्र थेऊर मधील सर्व वर्गणीदार शिवशंभू भक्तांचे योगदान आणि संयोजकांचे कष्ट यामुळे हा शिवजयंतीचा शिवशाही कार्यक्रम अतिशय दिमाखदार,शिवमय वातावरणात पार पडला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
