कार्यालयीन प्रवासादरम्यान झालेला अपघातही ‘नोकरीशी संबंधित इजा’ – सर्वोच्च न्यायालयाचा महत्त्वपूर्ण निर्णय
पुणे | प्रतिनिधी
दि. 28 जुलै 2025 रोजी देशाच्या सर्वोच्च न्यायालयाने कामगार व कर्मचाऱ्यांच्या हक्कांच्या दृष्टीने अत्यंत महत्त्वाचा निर्णय दिला आहे. कोणताही कर्मचारी कार्यालयात येताना किंवा कामासाठी जात असताना अपघाताचा बळी ठरत असेल आणि तो प्रवास थेट नोकरीशी संबंधित असेल, तर तो अपघात ‘Employment Injury’ म्हणून गणला जाईल, असे न्यायालयाने स्पष्ट केले आहे.
हा निर्णय Daivshala & Others v. Oriental Insurance Co. Ltd. या प्रकरणात देण्यात आला आहे.
न्यायालयाने स्पष्ट शब्दांत सांगितले की,
“जेव्हा प्रवास कामासाठी आवश्यक ठरतो, तेव्हा तो वैयक्तिक न राहता नोकरीचाच भाग बनतो.”
या प्रकरणात रात्री ३ वाजता ड्युटीवर जात असलेल्या एका नाईट वॉचमनचा रस्ते अपघातात मृत्यू झाला होता. संबंधित प्रकरणात कामगाराच्या कुटुंबाला नुकसानभरपाई नाकारण्यात आली होती. मात्र सर्वोच्च न्यायालयाने हा निर्णय उलथवून लावत, कुटुंबाला कायदेशीर नुकसानभरपाई मिळण्याचा मार्ग मोकळा केला.
⚖️ कायदेशीर आधार
Employees’ Compensation Act, 1923 – कलम 3
ESI Act – कलम 51E
(कामावर येताना-जाताना झालेला अपघातही नोकरीशी संबंधित इजा मानली जाईल)
📌 निकालाचे महत्त्व
✔️ मृत/जखमी कर्मचाऱ्याच्या कुटुंबाला नुकसानभरपाई
✔️ हायकोर्टाचा निर्णय रद्द
✔️ भविष्यात Commuting Accidents बाबतही कंपन्यांची जबाबदारी निश्चित
हा निर्णय देशातील लाखो कामगार, सुरक्षा रक्षक, नाईट शिफ्ट कर्मचारी, डिलिव्हरी कर्मचारी व खाजगी-सरकारी नोकरदारांसाठी मैलबाचा दगड ठरणार आहे.
— Crime Maharashtra Live News
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
