शिक्षण प्रसारक मंडळीला नोंदणी व मुद्रांक विभाग आणि पुणे महापालिकेच्या नोटिसा; होर्डिंग करारप्रकरणी कारवाईची प्रक्रिया सुरू
पुणे | प्रतिनिधी
पुणे शहरातील नामांकित शैक्षणिक संस्था शिक्षण प्रसारक मंडळी यांच्या होर्डिंग करारप्रकरणी गंभीर अनियमितता समोर आली असून, या प्रकरणात महाराष्ट्र शासनाच्या नोंदणी व मुद्रांक विभागाने तसेच पुणे महानगरपालिकेच्या संबंधित विभागाने संस्थेला नोटिसा बजावल्या आहेत. या कारवाईमुळे संबंधित प्रकरणाची प्रशासनाकडून गंभीर दखल घेतल्याचे स्पष्ट झाले आहे.
युवक काँग्रेसचे सरचिटणीस सागर धाडवे यांनी या प्रकरणी नोंदणी व मुद्रांक विभाग, धर्मादाय आयुक्त कार्यालय आणि पुणे महानगरपालिकेकडे तक्रार दाखल केली होती. तक्रारीनुसार, शिक्षण प्रसारक मंडळीने टिळक रोड येथील एस. पी. कॉलेज परिसरात उभारण्यात आलेल्या सहा जाहिरात फलकांसाठी सिद्धिविनायक अॅडव्हर्टायझिंग कंपनीसोबत सन २०२१ मध्ये तब्बल ७२ महिन्यांचा करार केला. मात्र, हा करार नोंदणीकृत करण्याऐवजी केवळ नोटराइज करण्यात आल्याचा आरोप करण्यात आला आहे.
तक्रारीत असा दावा करण्यात आला आहे की, संबंधित करार करताना शासनाच्या नियमांचे पालन करण्यात आले नाही तसेच धर्मादाय आयुक्त कार्यालय, नोंदणी व मुद्रांक विभाग आणि पुणे महानगरपालिकेच्या आकाशचिन्ह विभागाची दिशाभूल करून परवानग्या मिळविण्यात आल्या. त्यामुळे शासनाचा महसूल बुडविणे व संबंधित कायद्यांचे उल्लंघन झाल्याची बाब तक्रारीत नमूद करण्यात आली आहे.
या तक्रारीची दखल घेत पुणे महानगरपालिकेच्या सहाय्यक आयुक्त कार्यालयाने संबंधितांना नोटीस बजावली असून, नोंदणी व मुद्रांक विभागानेही शासनाची फसवणूक झाल्याबाबत खुलासा मागवत नोटीस जारी केली आहे. दोन्ही विभागांनी शिक्षण प्रसारक मंडळीला सात दिवसांच्या आत लेखी उत्तर सादर करण्याचे निर्देश दिले असून, समाधानकारक उत्तर न मिळाल्यास नियमानुसार पुढील कारवाई करण्यात येणार असल्याचे स्पष्ट करण्यात आले आहे.
या संदर्भात बोलताना तक्रारदार सागर धाडवे म्हणाले, “शिक्षण प्रसारक मंडळीसारख्या प्रतिष्ठित संस्थेकडून शासनाची दिशाभूल होणे अत्यंत गंभीर बाब आहे. नियमांना बगल देऊन करार करण्यात आला असेल तर संबंधित संस्था आणि कंपनीवर कठोर कायदेशीर कारवाई झाली पाहिजे. प्रशासनाने निष्पक्ष चौकशी करून दोषींवर कारवाई करावी. अन्यथा आम्ही न्यायालयीन लढा उभारण्याबरोबरच लोकशाही मार्गाने आंदोलन करण्यासही मागे हटणार नाही.”
या प्रकरणाकडे शिक्षण क्षेत्रासह प्रशासकीय वर्तुळाचे लक्ष लागले असून, संबंधित विभागांच्या अंतिम निर्णयाकडे सर्वांचे लक्ष आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
