पुणे : छत्रपती संभाजी महाराज यांच्या पुण्यतिथीनिमित्त वढू बुद्रुक येथे दरवर्षी मोठ्या प्रमाणावर नागरिक व भाविक दर्शनासाठी येतात. यंदाही ११ मार्च २०२६ रोजी पुण्यतिथी निमित्त मोठ्या संख्येने नागरिक उपस्थित राहण्याची शक्यता लक्षात घेऊन पुणे महानगर परिवहन महामंडळ (PMPML) कडून विशेष जादा बससेवेचे नियोजन करण्यात आले आहे.
भाविक व नागरिकांच्या सोयीसाठी पुणे महानगरपालिका भवन, स्वारगेट, हडपसर, भोसरी आणि निगडी या प्रमुख ठिकाणांहून वढू बुद्रुक येथे जाण्यासाठी एकूण १४ जादा बससेवा चालविण्यात येणार असल्याची माहिती पीएमपीएमएल प्रशासनाकडून देण्यात आली आहे.
या विशेष बससेवेमुळे नागरिकांना पुण्यतिथी कार्यक्रमासाठी वढू बुद्रुक येथे पोहोचणे सोयीचे होणार आहे. पुणे शहरातील विविध भागांतून सकाळपासून सायंकाळपर्यंत बससेवा उपलब्ध राहणार असून काही मार्गांवर रात्रीपर्यंत बससेवा सुरू ठेवण्यात येणार आहे.
जादा बससेवा मार्ग पुढीलप्रमाणे
पुणे मनपा भवन – वढू बुद्रुक (मार्ग क्र. ३१)
पहिली बस : सकाळी ६.००
शेवटची बस : सायंकाळी ४.३०
स्वारगेट – वढू बुद्रुक (मार्ग क्र. ३३)
पहिली बस : सकाळी ६.५०
शेवटची बस : सायंकाळी ५.३०
हडपसर – वढू बुद्रुक (मार्ग क्र. ३४)
पहिली बस : सकाळी ७.४५
शेवटची बस : सायंकाळी ५.१५
भोसरी – वढू बुद्रुक (मार्ग क्र. ४१)
पहिली बस : सकाळी ६.३०
शेवटची बस : सायंकाळी ४.४५
निगडी – वढू बुद्रुक (मार्ग क्र. ४२)
पहिली बस : सकाळी ७.२०
शेवटची बस : सायंकाळी ५.३०
प्रत्येक मार्गावर ठराविक अंतराने बससेवा चालविण्यात येणार असून नागरिकांनी या बससेवेचा लाभ घ्यावा, असे आवाहन पीएमपीएमएल प्रशासनाने केले आहे.
पुणे महानगर परिवहन महामंडळाचे चीफ ट्रान्सपोर्ट मॅनेजर (ऑपरेशन्स) यांनी ही माहिती प्रसिद्धीपत्रकाद्वारे दिली आहे. छत्रपती संभाजी महाराज यांच्या पुण्यतिथीनिमित्त वढू बुद्रुक येथे येणाऱ्या नागरिकांना वाहतुकीची सोय उपलब्ध करून देण्याच्या उद्देशाने ही विशेष बससेवा सुरू करण्यात आली आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
