राहुरी तालुक्यातील मध्यवर्ती ठिकाणी, शिवाजी चौकात असलेल्या वर्धमान ज्वेलर्स या दुकानात रविवारी पहाटेच्या सुमारास अज्ञात चोरट्यांनी जबरी चोरी करून लाखो रुपयांचे दागिने लंपास केले आहेत. या घटनेमुळे संपूर्ण शहरात आणि व्यापाऱ्यांमध्ये भीतीचे वातावरण निर्माण झाले आहे.
दुकानाचे मालक श्री. राजेंद्र भन्साळी हे सोमवारी सकाळी नेहमीप्रमाणे दुकान उघडण्यासाठी आले असता, त्यांनी पाहिले की दुकानाचे कुलूप सुस्थितीत होते, मात्र कोंडा तोडून चोरी केली गेली होती. परिसरातील काही नागरिकांच्या लक्षात येताच त्यांनी भन्साळी कुटुंबीयांना याची तत्काळ माहिती दिली.
या घटनेची माहिती मिळताच राहुरी पोलीस स्टेशनचे पोलीस निरीक्षक संजय ठेंगें यांच्या मार्गदर्शनाखाली पोलीस घटनास्थळी दाखल झाले. प्राथमिक तपासात स्पष्ट झाले आहे की, चोरट्यांनी दुकानाच्या बाहेरील सीसीटीव्ही कॅमेरे निष्क्रिय केले होते आणि कुलूप न तोडता फक्त कोंडा तोडून दुकानात प्रवेश केला. त्यानंतर त्यांनी दुकानातून प्रामुख्याने चांदीचे दागिने चोरले.
दुकानमालक राजेंद्र भन्साळी यांच्यासोबत त्यांचे पुत्र गौरव भन्साळी व सौरभ भन्साळी यांनी मिळून चोरी गेलेल्या ऐवजाची पाहणी केली आहे.
घटनास्थळी परिसरातील अनेक सराफ व्यावसायिक व नागरिकांनी मोठ्या संख्येने गर्दी केली होती. मुख्य बाजारपेठेतील सुरक्षा असूनही अशी घटना घडल्याने व्यावसायिकांमध्ये चिंता व भीतीचे वातावरण आहे.
पोलिसांकडून तपास सुरू असून लवकरच आरोपींना अटक करण्यात येईल, असे आश्वासन नागरिकांना व व्यापाऱ्यांना देण्यात आले आहे.
📞 संपर्क – उपसंपादक शिवाजी दवणे – 9730170965
📰 Crime Maharashtra Live News
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
