पुणे, दि. १९ एप्रिल २०२६ : लोहगाव पोलीस स्टेशनच्या हद्दीत मौजमजेसाठी वाहनचोरी करणाऱ्या एका सराईत चोरट्याला पोलिसांनी अटक करून त्याच्याकडून दोन दुचाकी जप्त केल्या आहेत.
लोहगाव पोलीस स्टेशन, पुणे शहर येथे दिनांक ०५/०४/२०२६ रोजी रात्री २२:३० वाजता ते दिनांक ०६/०४/२०२६ रोजी सकाळी ०८:०० वाजेच्या दरम्यान गुन्हा रजिस्टर नं. ०५/२०२६ भा.न्या.सं. कलम ३०३(२) अन्वये दुचाकी चोरीचा गुन्हा दाखल करण्यात आला होता. या गुन्ह्याचा तपास वरिष्ठ पोलीस निरीक्षक श्रीमती मनीषा पाटील यांच्या मार्गदर्शनाखाली पोलीस उपनिरीक्षक मनोज बरुरे व तपास पथकातील पोलीस अंमलदार यांच्याकडे सोपविण्यात आला होता.
तपासादरम्यान पोलीस अंमलदार गणेश इथापे व ज्ञानेश्वर आवारी यांनी सीसीटीव्ही फुटेजची पाहणी करून आरोपीचा शोध घेतला. या तपासात सदर गुन्हा साहिल सोनिया सियान (वय २८ वर्षे, रा. साई पार्क, लेन नं. ०९, खंडोबा माळ, लोहगाव, पुणे) याने केल्याचे निष्पन्न झाले.
दरम्यान, आरोपी हा गुरुद्वारा परिसरात चोरीच्या दुचाकीसह फिरत असल्याची माहिती मिळाल्यानंतर तपास पथकातील अंमलदार गणेश इथापे, ज्ञानेश्वर आवारी, आश्विन देठे व जोतीराम देवकाते यांनी सापळा रचून आरोपीला ताब्यात घेतले. चौकशीत त्याने आणखी एक दुचाकी चोरी केल्याची कबुली दिली.
आरोपीकडून एमएच १२ पीआर ६२७४ व टीएन ३० एयू ५४५० अशा दोन दुचाकी जप्त करण्यात आल्या असून त्यांची एकूण किंमत सुमारे २ लाख रुपये असल्याचे पोलिसांनी सांगितले.
ही कारवाई मा. अपर पोलीस आयुक्त, पूर्व प्रादेशिक विभाग, पुणे शहर श्री मनोज पाटील, मा. पोलीस उपआयुक्त परि ०७ पुणे शहर श्री सोमय मुंडे, तसेच मा. सहाय्यक पोलीस आयुक्त, लोणीकंद विभाग पुणे शहर श्रीमती नूतन पवार यांच्या मार्गदर्शनाखाली पार पडली. वरिष्ठ पोलीस निरीक्षक लोहगाव पोलीस स्टेशन श्रीमती मनीषा पाटील यांच्या सूचनेनुसार ही कारवाई करण्यात आली.
या कारवाईत पोलीस उपनिरीक्षक मनोज बरुरे तसेच पोलीस अंमलदार गणेश इथापे, अमोल आदलिंग, गणेश सातपुते, बाळासाहेब शिरसाठ, जोतीराम देवकाते, दादासाहेब बर्डे, आश्विन देठे, ज्ञानदेव आवारी, अल्पेश पोटकुले, प्रितम जंगम व सचिन जाधव यांनी सहभाग घेतला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
