राहुरी नगरपरिषदेवर तनपुरे यांचा वर्चस्व
क्राईम महाराष्ट्र लाईव्ह न्युज
सहसंपादक शिवाजी दवणे 9730170965
राहुरी शहरातील जनतेने आमच्यावर जो विश्वास दाखवला त्या विश्वासाला कदापि तडा जाऊ देणार नाही भविष्यात राहुरी नगर परिषदेच्या माध्यमातून शहरात मोठ्या प्रमाणात विकास कामे होतील असा विश्वास माजी मंत्री प्राजक्ता तनपुरे यांनी व्यक्त केला. राहुरी नगरपरिषद निवडणुकीचा आज निकाल जाहीर झाला. त्यानंतर माजी मंत्री प्राजक्त तनपुरे यांनी आपले मनोगत व्यक्त करून जनतेचे आभार मानले.
यावेळी नगराध्यक्ष भाऊसाहेब मोरे म्हणाले कि, जनतेने माझ्यावर विश्वास ठेवून मला निवडून दिले. त्या बद्दल मी जनतेचे मनापासून आभार मानतो. भविष्यात माजी मंत्री प्राजक्त तनपूरे यांच्या नेतृत्वाखाली शहरात प्रलंबित असलेली सर्व विकास कामे मार्गी लावण्यात येतील.
राहुरी नगरपरिषद निवडणूकीत विकास आघाडी, भाजप, शिवसेना शिंदे गट व वंचित बहुजन आघाडी अशी चौरंगी लढत झाली होती. परंतु प्रामुख्याने माजी मंत्री प्राजक्त तनपुरे यांच्या नेतृत्वाखाली विकास आघाडी तर दुसरीकडे भाजप यांच्यामध्ये खरी लढत झाली होती. यामध्ये शिवसेना शिंदे गट व वंचित बहुजन आघाडीचा दारून पराभव झाला. विकास आघाडीचे उमेदवार भाऊसाहेब मोरे हे विजयी झाले, त्यांच्या बरोबर विकास आघाडीचे नगरसेवक पदाचे १७ उमेदवार देखील विजयी झाले. तर भाजपचे नगरसेवक पदाचे ७ उमेदवार विजयी झाले. मतमोजणीच्या ठिकाणी विजयी कार्यकर्त्यांनी फटाक्यांची आतिषबाजी व गुलालाची उधळण करत मोठा जल्लोष साजरा केला.
माजी मंत्री प्राजक्त तनपुरे, बाजार समितीचे सभापती अरुण तनपुरे, माजी नगराध्यक्ष उषाताई तनपुरे व रावसाहेब चाचा तनपुरे यांच्या नेतृत्वाखाली राहुरी नगरपरिषद मध्ये तनपुरे गटाने अखेर आपली ४० वर्षाची सत्ता आबादित ठेवून विजय मिळवला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
