राहुरी येथील प्रियकराचा गंगापूर येथील प्रियसी कडून खून
क्राईम महाराष्ट्र लाईव्ह न्युज सहसंपादक शिवाजी दवणे 9730170965
राहुरी तालुक्यातील जांभुळबन येथील भाऊसाहेब बाचकर याने त्याची गंगापूर येथील प्रियसी जयश्री चव्हाण हिच्या सोबत राहण्यास नकार दिल्याने प्रियसीने भाऊसाहेब बाचकर याची निर्घृणपणे हत्या केल्याची घटना संगमनेर येथे दि. १२ ऑक्टोबर रोजी उघडकीस आली.
संगमनेर तालुक्यातील मांडवे बुद्रुक येथील शिवप्रभा ट्रस्टमध्ये एका तरुणाचा १२ ऑक्टोबर २०२५ रोजी मृतदेह आढळून आला होता. या प्रकरणाचा उलगडा करण्यात घारगाव पोलिसांना यश आले. मयताच्या प्रेयसीने प्रियकर सोबत राहत नसल्याच्या कारणावरुन खून केला असल्याचे उघड झाले आहे. या घटने नंतर उप विभागीय पोलीस अधिकारी डॉ. कुणाल सोनवणे, घारगावचे सहायक पोलीस निरीक्षक हेमंत थोरात, पोलीस उप निरीक्षक अजय कौटे, आदिनाथ गांधले, पोहेकॉ. दत्तू चौधरी, पोकॉ. सुभाष बोडखे, प्रमोद गाडेकर, महादेव हांडे, महिला पोकॉ. अमृता नेहरकर असे घटनास्थळी दाखल झाले. श्वानपथक, फिंगर प्रिंट, फॉरेंसिक यूनिट पाचारण करण्यात आले होते. प्रेताची ओळख पटवत असताना ते भाऊसाहेब विठ्ठल बाचकर (रा. जांभुळबन, ता. राहुरी) याचे असल्याचे समजले. त्यानंतर मयत भाऊसाहेबची पत्नी व नातेवाईक यांच्याकडे विचारपूस केली असता त्यांनी सांगितले, की भाऊसाहेब बाचकर व जयश्री काकासाहेब चव्हाण (रा. काटेपिंपळगाव, ता. गंगापूर, जि. छत्रपती संभाजीनगर) यांच्यामध्ये मागील तीन वर्षांपासून प्रेमसंबंध असल्याने तेव्हा पासून दोघेही अहिल्यानगर येथे राहत होते. दरम्यान ११ ऑक्टोबर २०२५ रोजी दुपारी दीड वाजेच्या सुमारास भाऊसाहेब हा पत्नी व मुला बाळांना भेटण्यासाठी साकूर येथे आला होता. तेव्हा त्याच्या सोबत जयश्री देखील होती. तेव्हा पत्नी योगिता बाचकर हिस साकूर येथे बोलावून घेवून सांगितले, मला आता जयश्री सोबत राहायचे नाही. यापुढे तुझ्या सोबत राहणार आहे. याचा राग आल्याने जयश्री ही भाऊसाहेब यास म्हणाली, तुम्हाला माझ्या सोबत राहावे लागेल नाहीतर मी तुम्हाला जीवे ठार मारेन, अशी धमकी दिली. त्यानंतर भाऊसाहेब यास जयश्री ही मोटारसायकलवरुन घेवून शिवप्रभा ट्रस्ट येथे गेली. त्यानंतर तिने टणक हत्याराने त्याच्या डोक्यावर वार करुन खून केला आणि तेथून पसार झाली होती. तपास करताना पोलीस उपनिरीक्षक अजय कौटे, पोकॉ. सुभाष बोडखे, प्रमोद गाडेकर व महिला पोकॉ. अमृता नेहरकर यांच्या पथकाला जयश्री काकासाहेब चव्हाण हिने तिचे पती काकासाहेब शंकर चव्हाण यास फोन करुन नेवासा फाटा येथे बोलविले असल्याची माहिती मिळाली. त्यावरुन सदर ठिकाणी जावून जावून तिला ताब्यात घेण्यात आले असता तिने गुन्ह्याची कबुली दिली.
सदरची कारवाई पोलीस अधीक्षक सोमनाथ घार्गे, अप्पर पोलीस अधीक्षक सोमनाथ वाघचौरे, उप विभागीय पोलीस अधिकारी डॉ. कुणाल सोनवणे यांच्या मार्गदर्शानाखाली सहायक पोलीस निरीक्षक हेमंत थोरात, पोलीस उप निरीक्षक अजय कौटे, आदिनाथ गांधले, पोहेकॉ. दत्तू चौधरी, पोकॉ. सुभाष बोडखे, प्रमोद गाडेकर, महादेव हांडे, महिला पोकॉ. अमृता नेहरकर, अप्पर पोलीस अधीक्षक कार्यालयातील पोना. सचिन धनाड यांनी केली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
