नवी मुंबई, दि. १ मार्च २०२६ (प्रतिनिधी) – वाशी परिसरातील ‘विवा स्पा’ या ठिकाणी गौतम बुद्धांच्या मूर्ती लावून वेश्याव्यवसाय चालवला जात असल्याचा आरोप करत राष्ट्रीय दलित पॅंथर सेना पदाधिकाऱ्यांनी तपासणी केली. या कारवाईत स्पामध्ये ७ विदेशी महिलांची उपस्थिती आढळल्याचा दावा संघटनेने केला आहे.
नवी मुंबई जिल्हाध्यक्ष महिला आघाडी सौ. प्रियाताई सरोदे यांना मिळालेल्या माहितीनुसार, संघटनेच्या राष्ट्रीय अध्यक्षा आस्मा दिदी शेख, संस्थापक अध्यक्ष टिपू भाई पटवेगार, महाराष्ट्र राज्य अध्यक्ष प्रशांत केदार, उपाध्यक्ष सचिन भाऊ भोसले, सरचिटणीस वसीम भाई शेख आणि राज्य प्रवक्ते दशरथ भाऊ गायकवाड यांच्या नेतृत्वाखाली १/०३/२६ रोजी स्पा सेंटरची पाहणी करण्यात आली.
संघटनेचा आरोप आहे की, वाशी परिसरात अशा प्रकारचे अनेक स्पा सेंटर कार्यरत असून त्यामध्ये विदेशी महिलांची संख्या किती आहे याची पोलीस प्रशासनालाही स्पष्ट कल्पना नाही. या संपूर्ण प्रकरणाचा “भांडाफोड” केल्याचा दावा करत संघटनेने संबंधित स्पा चालक आणि स्थानिक पोलीस यांच्यात कोणताही संबंध आहे का, याचीही स्वतंत्र चौकशी करण्याची मागणी केली आहे.
याबाबत नवी मुंबई पोलीस आयुक्तालय यांनी तात्काळ दखल घेऊन संबंधित स्पा सेंटर बंद करण्याचे आदेश द्यावेत, अशी मागणी करण्यात आली आहे. तसेच, कारवाई न झाल्यास आयुक्तालयावर तीव्र आंदोलन छेडण्याचा इशाराही देण्यात आला. ही बाब वाशी पोलीस स्टेशन चे वरिष्ठ पोलीस निरीक्षक चांदेकर यांना तोंडी कळविण्यात आल्याचे सांगण्यात आले.
या वेळी पुणे जिल्हाध्यक्ष अदनान भाऊ बागवान, पुणे शहर युवक उपाध्यक्ष सोहम भाऊ नवले, शहर उपसंघटक खाली पटेल यांच्यासह अनेक कार्यकर्ते उपस्थित होते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
