पुणे शहर पोलीस आयुक्तालयाच्या हडपसर पोलीस स्टेशन हद्दीत घडलेल्या घरफोडीच्या गुन्ह्याचा हडपसर पोलिसांनी अवघ्या २४ तासांच्या आत यशस्वी छडा लावला आहे. या प्रकरणी एका आरोपीस अटक करण्यात आली असून त्याच्याकडून एकूण ३,५०,००० रुपये किमतीचे सोन्याचे दागिने हस्तगत करण्यात आले आहेत.
गुन्ह्याची पार्श्वभूमी:
दिनांक ०३/०७/२०२६ रोजी रात्रौ २०:०० वाजल्यापासून ते दिनांक २३/०७/२०२६ रोजी सकाळी ०९:३० वाजेपर्यंतच्या कालावधीत, सम्राट गार्डन सोसायटीमधील फिर्यादी यांच्या राहत्या फ्लॅटमध्ये कोणीतरी अज्ञात इसमाने अनधिकृतपणे प्रवेश केला. फ्लॅटमधील बेडरुममधील कपाटाच्या लॉकरमध्ये ठेवलेले सोन्याचे दागिने अज्ञात चोराने चोरी करून नेले. या प्रकरणी फिर्यादी यांनी दिलेल्या तक्रारीवरून हडपसर पोलीस स्टेशन येथे गु.र.नं. ४९२/२०२६ भा.न्या.सं.क. ३०५ (अ) नुसार गुन्हा दाखल करण्यात आला आहे.
तपास आणि कारवाई:
गुन्ह्याचा गांभीर्य लक्षात घेऊन दाखल गुन्ह्याचा तपास वरिष्ठ पोलीस निरीक्षक श्री. हेमंत पाटील यांच्या मार्गदर्शनाखाली तपास अधिकारी सहायक पोलीस निरीक्षक (सपोनि) विजय पाटील व तपास पथक सी.सी.टी.व्ही. फुटेजच्या आधारे करत होते.
तपास सुरू असताना तपास पथकातील अंमलदार कुंडलिक केसकर, तुकाराम झुंजार व महावीर लोंढे यांना त्यांच्या गुप्त बातमीदारामार्फत खात्रीशीर माहिती मिळाली की, सदर गुन्ह्यातील आरोपी हा यश हॉस्पिटल जवळ, माळवाडी, हडपसर, पुणे येथे थांबला आहे. सदर माहिती मिळताच सपोनि विजय पाटील यांनी तात्काळ वरिष्ठांना कळवून त्यांच्या आदेशानुसार पुढील कारवाईची खातरजमा केली.
तपास पथकातील अधिकारी व अंमलदारांनी तात्काळ यश हॉस्पिटल, माळवाडी येथे जाऊन पाहणी केली आणि आरोपी फैजल इसरार खान (वय १८ वर्षे, रा. मु. ढकाई, पो. मगदुमपुर ढोकसहा (मेढराह), जि. कोशांबी, राज्य उत्तर प्रदेश, सध्या रा. माळवाडी हडपसर, पुणे) याला ताब्यात घेतले. त्याच्याकडे कसून चौकशी केली असता त्याने सदरचा गुन्हा केल्याची कबुली दिली.
हस्तगत करण्यात आलेला मुद्देमाल:
आरोपीच्या ताब्यातून एकूण २३ ग्रॅम वजनाचे सोन्याचे दागिने जप्त करण्यात आले आहेत:
सोन्याची चैन: १६ ग्रॅम
सोन्याची चैन: ०६ ग्रॅम
सोन्याची रिंग: ०१ ग्रॅम
एकूण किंमत: ३,५०,०००/- रुपये
सदर गुन्ह्याचा पुढील तपास सहायक पोलीस निरीक्षक विजय पाटील करीत आहेत.
तपास पथकाची कामगिरी:
सदरची यशस्वी कामगिरी पोलीस उप-आयुक्त, परिमंडळ ६, पुणे शहर श्री. जीवन बेनिवाल आणि सहायक पोलीस आयुक्त, हडपसर विभाग, पुणे श्री. अतुलकुमार नवगिरे यांच्या मार्गदर्शनाखाली पार पडली.
तसेच हडपसर पोलीस स्टेशनचे वरिष्ठ पोलीस निरीक्षक श्री. हेमंत पाटील आणि पोलीस निरीक्षक (गुन्हे) श्री. निलेश जगदाळे यांच्या सूचनांनुसार तपास पथकातील सहायक पोलीस निरीक्षक विजय पाटील, पोलीस अंमलदार दिपक कांबळे, निलेश किरवे, भाऊसाहेब कटके, विजय कानेकर, अजित मदने, कुंडलिक केसकर, भगवान हंबर्डे, अनिरुद्ध सोनवणे, महेश चव्हाण, तुकाराम झुंजार, आकाश धावडे, धीरज शेलार, महावीर लोंढे व कृष्णा घोळवे यांनी या संपूर्ण कारवाईमध्ये सहभाग घेतला होता.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
