पुणे: ऑनलाईन ट्रेडिंगचे वेड आणि त्यातून झटपट पैसे कमावण्याच्या मोहापायी स्वतःच्याच सोसायटीतील एका रहिवाशाच्या फ्लॅटमध्ये चोरी करणारा १९ वर्षीय तरुण कोंढवा पोलिसांच्या जाळ्यात अडकला आहे. या तरुणाने वॉचमनच्या केबिनमधून चावी चोरून फ्लॅट फोडला होता. या कारवाईमुळे परिसरात खळबळ उडाली आहे.
नेमकी घटना काय?
मिळालेल्या माहितीनुसार, कोंढवा बुद्रुक (येवलेवाडी) येथील कमल प्रभा अपार्टमेंट सोसायटीतील फिर्यादी रहिवासी कामानिमित्त घराबाहेर जात असताना नेहमीप्रमाणे आपल्या फ्लॅटची चावी सोसायटीच्या वॉचमनकडे ठेवून गेले होते. याच गोष्टीचा गैरफायदा घेत एका अनोळखी इसमाने वॉचमनच्या ड्रॉवरमधून चावी चोरली आणि फ्लॅट उघडून आतील ७० हजार रुपये किमतीचे सोन्याचे दागिने व चांदीची नाणी लंपास केली. याप्रकरणी कोंढवा-येवलेवाडी पोलीस ठाण्यात भारतीय न्याय संहितेच्या कलम ३३१ (३) आणि ३०५ अन्वये गुन्हा दाखल करण्यात आला होता.
सीसीटीव्ही फुटेजमुळे फुटले बिंग
गुन्ह्याचा तपास करत असताना वरिष्ठ पोलीस निरीक्षक मारुती पाटील आणि पोलीस निरीक्षक (गुन्हे) दीपक कारंडे यांनी तपासाचे आदेश दिले. त्यानुसार पोलीस उपनिरीक्षक आकाश विटे आणि त्यांचे पथक आरोपीचा शोध घेत होते. सोसायटीतील वॉचमनकडे चावी ठेवल्याची माहिती केवळ ओळखीच्या लोकांनाच होती, त्यामुळे ही चोरी सोसायटीतीलच कोणीतरी केल्याचा संशय पोलिसांना आला. तपास करताना असे समोर आले की, आरोपीने चोरी करण्यापूर्वी सीसीटीव्ही कॅमेरे बंद केले होते आणि फ्लॅटबाहेर लावलेल्या सीसीटीव्ही कॅमेऱ्यावर चिखल फासला होता.
पोलीस अंमलदार गणेश चिंचकर, सुजित मदन आणि मयुर मोरे यांनी तांत्रिक पद्धतीने तपास करत सीसीटीव्ही बंद होण्यापूर्वीच्या फुटेजची पाहणी केली. यामध्ये सोसायटीत राहणारा प्रतिक राजेंद्र शर्मा (वय १९ वर्षे, रा. कमल प्रभा सोसायटी, शत्रुंजय मंदिराच्या जवळ, कान्हा हॉटेल चौक, कोंढवा बुद्रुक) हा वॉचमन बाहेर गेल्याची संधी साधून संशयास्पद स्थितीत फिरताना दिसून आला. पोलिसांनी त्याला ताब्यात घेऊन खाक्या दाखवताच त्याने गुन्हा कबूल केला. त्याने केवळ ऑनलाईन ट्रेडिंगच्या मोहापायी ही चोरी केल्याचे तपासात समोर आले आहे. पोलिसांनी चोरीचा सर्व मुद्देमाल हस्तगत केला असून, पुढील तपास पोलीस उपनिरीक्षक आकाश विटे करत आहेत.
पोलीस पथकाचे अभिनंदन
ही धडाकेबाज कारवाई पुणे शहर पोलीस उपायुक्त (परिमंडळ ५) राजलक्ष्मी शिवणकर आणि वानवडी विभागाचे सहायक पोलीस आयुक्त राम इंगवले यांच्या मार्गदर्शनाखाली करण्यात आली. वरिष्ठ पोलीस निरीक्षक मारुती पाटील, पोलीस निरीक्षक (गुन्हे) दीपक कारंडे यांच्या नेतृत्वाखाली पोलीस उपनिरीक्षक आकाश विटे, अभिजित जाधव, अभिजित रत्नपारखी, गणेश चिंचकर, विजय खेंगरे, अनिल बनकर, किशोर पवार, रुपेश पाटील, लक्ष्मण होळकर, मयुर मोरे आणि सुजित मदन यांच्या पथकाने ही कामगिरी केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
