कात्रज व हडपसर परिसरात नियमबाह्य खोदकाम गोणखनिज उत्खननाबाबत – क्राईम महाराष्ट्र लाईव्ह आवाज; RTI व तक्रार अर्ज दाखल!
पुणे :
कात्रज व हडपसर परिसरात अनेक बांधकाम व्यावसायिकांकडून सर्रासपणे नियमबाह्य व बेकायदेशीर खोदकाम सुरू असल्याचा गंभीर प्रकार उघड झाला आहे. या खोदकामामुळे परिसरातील नागरिकांच्या सुरक्षेला धोका निर्माण झाला असून भूजलस्तर व शेजारील इमारतींच्या स्थिरतेवरही गंभीर परिणाम होत आहेत.
या पार्श्वभूमीवर नागरिकांनी केवळ तक्रारी करून थांबता न राहता, माहिती अधिकार अधिनियम 2005 अंतर्गत RTI अर्ज दाखल केला आहे. यात संबंधित प्रकल्पांची बांधकाम परवानगी, खोदकामासंबंधी अटी, PMC अधिकाऱ्यांची जबाबदारी, तपासणी अहवाल व तक्रारींवरील कारवाईची माहिती मागितली आहे.
याशिवाय, PMC आयुक्त व जिल्हाधिकारी पुणे यांच्याकडे तक्रार अर्जही दाखल करण्यात आला असून, त्यामध्ये :
नियम मोडणाऱ्या बिल्डर्सवर कठोर कारवाई,
गंभीर दुर्लक्ष करणाऱ्या PMC अधिकाऱ्यांवर जबाबदारी निश्चित करणे,
आणि संपूर्ण प्रकरणाची तातडीने चौकशी करण्याची मागणी करण्यात आली आहे.
आमिर शेख आरोप :
“प्रशासनाने वारंवार तक्रारी असूनही कारवाई न केल्याने नागरिकांच्या सुरक्षेचा प्रश्न गंभीर बनला आहे. अधिकारी आणि बिल्डर्समध्ये संगनमत असल्याचा संशय नाकारता येत नाही,” असे स्थानिक नागरिकांनी सांगितले.
प्रश्नचिन्हे :
PMC कडून नियमबाह्य खोदकामावर कारवाई का केली जात नाही?
नागरिकांच्या सुरक्षेला प्राधान्य का दिले जात नाही?
जबाबदार अधिकारी व बिल्डर्स यांच्यावर कठोर कारवाई होणार का?
मागणी :
क्राईम महाराष्ट्र लाईव्ह न्यूज माध्यम व सामाजिक संघटनांनी राज्य सरकार, जिल्हाधिकारी व पुणे महानगरपालिका यांना आवाहन केले आहे की, तातडीने चौकशी करून दोषी बिल्डर्स व दुर्लक्ष करणाऱ्या अधिकाऱ्यांवर कठोर कारवाई करावी.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.
