गंगाधाम चौकात जड वाहनांना बंदी असूनही वाहतूक सुरू – प्रशासन झोपले की कोणाच्या आशीर्वादाने?
पुण्यातील गंगाधाम चौक परिसरात जड वाहनांना स्पष्टपणे बंदी असतानाही मोठ्या प्रमाणात ट्रक, कंटेनर आणि मालवाहतूक करणाऱ्या वाहनांची वाहतूक सर्रास सुरू आहे. या निष्काळजीपणामुळे आज पुन्हा एकदा दुर्दैवी घटना घडली असून एका निष्पाप नागरिकाचा जीव या अपघातात गेला आहे. या घटनेमुळे परिसरातील नागरिकांमध्ये संतापाची लाट पसरली आहे.
प्रश्न उभा राहतो – ▪️ जर बंदी असताना वाहने धडधडत असतील तर ती कोणाच्या परवानगीने चालतात?
▪️ वाहतूक पोलीस आणि PMC प्रशासन यांची जबाबदारी कुठे आहे?
▪️ वारंवार अपघात होत असतानाही उपाययोजना का नाही?
गंगाधाम चौकातील रस्ते अरुंद असून, शाळा, हॉस्पिटल्स आणि रहिवासी वस्ती मोठ्या प्रमाणात आहे. तरीही या परिसरातून जड वाहनांना मोकाट सोडल्याने निष्पाप नागरिकांचे जीव धोक्यात आले आहेत. या घटनेची सखोल चौकशी करून दोषींवर कठोर कारवाई व्हावी, अशी मागणी Crime Maharashtra Live News कडून करण्यात येत आहे.
आमची मागणी –
✅ गंगाधाम चौकातून जड वाहनांची वाहतूक तात्काळ बंद करावी
✅ मृत व्यक्तीच्या कुटुंबाला नुकसानभरपाई द्यावी
✅ संबंधित वाहतूक पोलीस व PMC अधिकारी यांच्यावर कारवाई करावी
✅ सीसीटीव्ही व स्पीड ब्रेकर लावून परिसर सुरक्षित करावा
निष्काळजी प्रशासन आणि ढिसाळ नियोजनामुळे नागरिकांचे जीव जात असतील, तर याला फक्त अपघात न म्हणता ‘संस्थात्मक हत्याच’ म्हणावी लागेल.
– Crime Maharashtra Live News
—
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
