कोळवडी साष्ठे येथे गौणखनिज चोरी? दोन ठेकेदारांकडून एकाच रस्त्याचे काम; निधीचा दुरुपयोग आणि प्रशासन संशयास्पद शांतपणा!
हवेली तालुक्यातील गट क्रमांक ७२, कोळवडी साष्ठे येथे सुरू असलेल्या रस्त्याच्या कामात अनधिकृत गौणखनिज उत्खनन, शासन निधीचा दुरुपयोग, तसेच एकाच रस्त्याचे काम दोन ठेकेदारांना दिल्याचा गंभीर प्रकार उघड झाला आहे.
या प्रकरणात जिल्हा परिषद पुणे बांधकाम विभाग आणि मंडळ अधिकारी कार्यालय हवेली यांनी अनुक्रमे ऋषिकेश काळे व प्रतीक आव्हाळे या ठेकेदारांना काम दिल्याचे समोर आले आहे.
सदर रस्त्याच्या कामासाठी ग्रामपंचायतीने दि. १४ जुलै २०२५ रोजी अहवाल सादर केला आहे, तर जिल्हा परिषदेकडून १८ जुलै २०२५ रोजी पत्र सादर करण्यात आले आहे. मात्र, या संपूर्ण कामात सॉफ्ट स्टोनसह गौणखनिज उत्खनन झाले असून त्यासाठी कोणतीही खनिज परवानगी घेतलेली नसल्याचा संशय आहे.
पत्रकार आमिर मोहम्मद शेख यांनी सदर प्रकरणाची तक्रार हवेली पोलीस ठाणे येथे दाखल केली होती. या तक्रारीत IPC 379 (चोरी), 420 (फसवणूक), 406 (विश्वासघात), 120(B) (कट रचना) आणि महाराष्ट्र जमीन महसूल अधिनियम 1966 अंतर्गत कारवाईची मागणी करण्यात आली होती.
मात्र, अद्याप FIR दाखल झालेली नाही. तपास अधिकारी, चौकशी, किंवा पंचनामे यासंबंधी कोणतीही ठोस माहिती उपलब्ध करून देण्यात आलेली नाही. उलट, हे प्रकरण वाघोली पोलीस ठाण्याकडे वळवण्याचा प्रयत्न झाला असल्याचा आरोप पत्रकारांनी केला आहे.
या प्रकरणात शासन मालमत्तेची चोरी, निधीचा गैरवापर, ठेकेदार साठवणूक आणि अधिकाऱ्यांचा सहभाग असल्याचा संशय व्यक्त केला जात आहे.
📌 पत्रकारांनी माहिती अधिकार अधिनियम 2005 अंतर्गत जिल्हा परिषद, मंडळ अधिकारी, व पोलीस ठाणे यांच्याकडे माहिती मागवली असून, अद्याप कोणतेही स्पष्ट उत्तर मिळालेले नाही.
🛑 सरकारी यंत्रणांचा हलगर्जीपणा, प्रशासन दुर्लक्ष वृत्ती आणि खनिज लुटीचे गंभीर प्रकार उजेडात येत असून तात्काळ चौकशी करून दोषींवर कारवाई करावी, अशी मागणी होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 9122109122
