खडकी बाजार, दर्गाह वसाहत परिसरातील मशिदीवरील हल्ल्याचा मिस फरहा चॅरिटेबल फाउंडेशनकडून तीव्र निषेध; शांतता, बंधुभाव आणि कायद्याच्या राज्याचे पालन करण्याचे आवाहन
पुणे, दि. २२ जून २०२६:
वाचनालयावरील कारवाईच्या प्रयत्नामुळे आयुक्त सीतल वाकडे संशयाच्या भोऱ्यात; तक्रारी प्रलंबित असताना याच वाचनालयावर ‘विशेष लक्ष’ का? खडकी बाजार येथील दर्गाह वसाहत परिसरातील मशिदीजवळ आज घडलेल्या दगडफेक, तोडफोड आणि परिसरातील शांतता व सामाजिक सलोखा बिघडविण्याच्या घटनेचा मिस फरहा चॅरिटेबल फाउंडेशनतर्फे तीव्र शब्दांत निषेध करण्यात येत आहे.
प्राथमिक माहितीनुसार, काही समाजकंटकांनी मशिदीच्या परिसरात गोंधळ निर्माण करून दगडफेक व तोडफोड केल्यामुळे परिसरात काही काळ तणावपूर्ण वातावरण निर्माण झाले. या घटनेची माहिती मिळताच खडकी पोलीस तातडीने घटनास्थळी दाखल झाले आणि परिस्थिती नियंत्रणात आणण्यात यशस्वी झाले.
या प्रकरणाची गंभीर दखल घेत खडकी पोलीस ठाण्यात गुन्हा क्रमांक 0136/2026 दाखल करण्यात आला आहे. सदर गुन्ह्यामध्ये भारतीय न्याय संहिता (BNS) कलम 298, 196(2), 190, 191, 324(2) तसेच महाराष्ट्र पोलीस अधिनियम कलम 37(1), 135 आणि शस्त्र अधिनियम कलम 4 व 25 अंतर्गत गुन्हा नोंदविण्यात आला आहे.
पोलिसांनी वेगाने तपासाची चक्रे फिरवत आतापर्यंत किमान ३ ते ४ संशयितांना ताब्यात घेतले असून त्यांची सखोल चौकशी सुरू आहे. घटनेत सहभागी असलेल्या इतर व्यक्तींचा शोध घेण्यासाठी विशेष पथके कार्यरत आहेत. या प्रकरणातील दोषींना कोणतीही सवलत दिली जाणार नसून त्यांच्यावर कायद्यानुसार कठोर कारवाई करण्यात येईल, अशी अपेक्षा व्यक्त करण्यात येत आहे.
मिस फरहा चॅरिटेबल फाउंडेशनचे संचालक श्री. अन्वर शेख म्हणाले,
“खडकी आणि पुणे शहर हे विविध धर्म, जाती आणि संस्कृतींच्या लोकांनी एकत्र नांदणारे, सामाजिक एकात्मतेचे आणि बंधुभावाचे प्रतीक आहे. काही समाजविघातक घटकांनी घडवून आणलेल्या अशा घटना आपल्या सामाजिक ऐक्यावर आघात करणाऱ्या आहेत. कोणत्याही परिस्थितीत हिंसा, द्वेष आणि धार्मिक तेढ यांना प्रोत्साहन देता कामा नये. दोषींना कठोर शिक्षा व्हावी, मात्र नागरिकांनी संयम राखून शांततेच्या मार्गाने पुढे जावे.”
मिस फरहा चॅरिटेबल फाउंडेशन सर्व नागरिकांना नम्र आवाहन करते की, कोणत्याही अफवा, अप्रमाणित माहिती, भडकाऊ संदेश किंवा सोशल मीडियावरील द्वेषपूर्ण पोस्टवर विश्वास ठेवू नये किंवा त्या पुढे पाठवू नयेत. कायदा हातात घेण्याऐवजी पोलिस प्रशासनाला सहकार्य करावे आणि परिसरात शांतता व सामाजिक सलोखा कायम ठेवण्यासाठी पुढाकार घ्यावा.
खडकीची ओळख दंगलीची नाही, तर बंधुभावाची आहे. पुण्याची परंपरा द्वेषाची नाही, तर सहजीवन आणि सामाजिक ऐक्याची आहे. काही समाजकंटकांच्या कृत्यांमुळे आपल्या शहराच्या एकतेला तडा जाऊ देऊ नका.
“हिंसेला नकार, शांततेला स्वीकार. द्वेषाला नकार, बंधुभावाला आधार.”
जारीकर्ता :
अन्वर शेख
संचालक, मिस फरहा चॅरिटेबल फाउंडेशन
मो.: 8459167838
ई-मेल: info@missfarhafoundation.org
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
