पुणे:
पुणे शहर पोलीस आयुक्तालय तसेच आसपासच्या परिसरात वाढत्या ट्रान्सफॉर्मर (डी.पी.) चोरीच्या घटनांच्या अनुषंगाने गुन्हे शाखा युनिट-७ चे पथक गस्त घालत असताना, वाडेगाव (ता. हवेली, जि. पुणे) येथे काही ट्रान्सफॉर्मर चोरी करणारे इसम येणार असल्याची गोपनीय माहिती पोलीस अंमलदार विनायक साळवे यांना मिळाली. या माहितीच्या आधारे युनिट-७ चे पोलीस निरीक्षक वाहिद पठाण यांच्या आदेशानुसार पोलीस उप-निरीक्षक राहुल कोळपे व पथकाने वाडेगाव येथे सापळा रचून एका संशयित मालवाहू टेम्पोसह (क्र. MH-12-GT-6675) तीन जणांना ताब्यात घेतले.
तपासामध्ये उघड झालेली माहिती:
चौकशी दरम्यान त्यांनी आपली नावे १) मोहम्मद साहेबजान मंगरेखान (वय ३०, रा. गोटेमाळ, सासवड, ता. पुरंदर, जि. पुणे), २) आदर्श चंद्रप्रकाश पांडे (वय २२), आणि ३) चंद्रसेन शिवरतन धारीया (वय २८, दोघेही मूळ रा. उत्तर प्रदेश) असल्याचे सांगितले. त्यांनी गेल्या ५ ते ६ महिन्यांत लोणीकंद पोलीस स्टेशन हद्दीतील वाडेगाव, आष्टापूर, सांगवी सांडस, न्हावी सांडस व हिंगणगाव येथून एकूण ०८ डीपी/ट्रान्सफॉर्मरमधील तांब्याच्या धातूच्या तारा चोरल्याची कबुली दिली आहे.
उघडकीस आलेले गुन्हे व जप्त मुद्देमाल:
या कारवाईमुळे लोणीकंद पोलीस स्टेशन येथे भारतीय न्याय संहितेच्या कलम ३२४(४) आणि भारतीय विद्युत अधिनियम कलम १३६ अन्वये दाखल असलेले एकूण ०८ गुन्हे उघडकीस आले आहेत. पोलिसांनी आरोपींकडून अंदाजे १२,७३,०००/- रुपये किंमतीचा मुद्देमाल जप्त केला असून, त्यांना दिनांक ०६/०९/२०२६ रोजी अटक करण्यात आली आहे.
मार्गदर्शन व पोलीस पथक:
सदरची उल्लेखनीय कामगिरी अपर पोलीस आयुक्त (गुन्हे) श्रीमती तेजस्वी सातपुते, पोलीस उप-आयुक्त (गुन्हे) श्री. गौहर हसन, आणि सहायक पोलीस आयुक्त (गुन्हे) श्री. राजेंद्र मुळीक यांच्या मार्गदर्शनाखाली युनिट-७ चे पोलीस निरीक्षक श्री. वाहिद पठाण, पोलीस उप-निरीक्षक राहुल कोळपे तसेच अंमलदार विनायक साळवे, सारंग दळे, प्रशांत कापुरे, निलेश साळवे, भरत उकिर्डे, अमोल ढोणे, विकास कदम, निर्णय लांडे, गिरीष नाणेकर, सुहास तांबेकर, किरण पलांडे, नेहा तापकीर, बाळासाहेब तनपुरे, समाधान पाटील, भरत गुंडवाड, प्रतिक्षा पानसरे आणि सोनाली नरवडे यांच्या पथकाने केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
