पुणे:
पुणे रेल्वे स्टेशन येथील सिनियर बुकिंग क्लर्क (सीसीटीसी) यांच्यावर चाकूने प्राणघातक हल्ला करून रोख रक्कम, मोबाईल व सोन्याची चैन जबरीने चोरी करणाऱ्या तीन आरोपींना बंडगार्डन पोलीस स्टेशन आणि पुणे आरपीएफच्या पथकाने डोंबिवली (पूर्व) येथून अटक केली आहे.
नेमकी घटना कशी घडली?
दिनांक १८ ऑगस्ट २०२६ रोजी रात्री १:०० वाजेच्या सुमारास फिर्यादी हे पुणे रेल्वे स्टेशन येथे रेल्वे प्रशासनाचे तिकीट विक्रीचे कर्तव्य बजावत होते.
त्यावेळी दोन अनोळखी इसमांनी त्यांच्यावर चाकूने वार करून जिवे मारण्याचा प्रयत्न केला.
हल्ल्यानंतर आरोपींनी फिर्यादीकडील रोख रक्कम, दोन मोबाईल फोन व सोन्याची चैन जबरदस्तीने काढून घेत तिथून पळ काढला.
या गंभीर प्रकरणी फिर्यादीच्या तक्रारीवरून बंडगार्डन पोलीस स्टेशन येथे गु.र.नं. २१२/२०२६ भारतीय न्याय संहिता (भा.न्या.सं.) कलम ३०९ (२), (६) अन्वये गुन्हा दाखल करण्यात आला.
पोलिसांचा कसूर तपास आणि तांत्रिक तंत्रज्ञानाचा वापर
सरकारी अधिकारी कर्तव्य बजावत असताना घडलेल्या या गुन्ह्याची तात्काळ दखल घेत बंडगार्डन पोलीस स्टेशनचे वरिष्ठ पोलीस निरीक्षक संतोष पांढरे यांनी दोन विशेष तपास पथके तयार केली आणि पोलीस अधिकारी व अंमलदार यांना योग्य त्या सूचना देऊन मार्गदर्शन केले.
आरोपींनी गुन्हा केल्यानंतर कोणताही पुरावा मागे सोडलेला नव्हता.
असे असतानाही पोलिसांनी पुणे स्टेशन ते डोंबिवली पूर्व स्टेशन परिसरातील सुमारे १५० सीसीटीव्ही कॅमेऱ्यांच्या फुटेजचे तांत्रिक विश्लेषण केले.
या फुटेजच्या आधारे आरोपींचा माग काढून त्यांचे फोटो व माहिती मिळवण्यात पोलिसांना यश आले.
गोपनीय बातमी आणि सापळा रचून अटक
तांत्रिक तपासादरम्यान नमुद आरोपी हे मानपाडा पोलीस स्टेशन, डोंबिवली (पूर्व) स्टेशन हद्दीत गेल्याचे निष्पन्न झाले.
दरम्यान, तपास पथकातील पोलीस अंमलदार प्रकाश आव्हाड व सारस साळवी यांना आरोपी हे भोपरगाव कमान, डोंबिवली (पूर्व) येथे राहत असल्याची गोपनीय बातमी मिळाली.
या बातमीच्या आधारे बंडगार्डन पोलीस व पुणे आर.पी.एफ. (खुफिया शाखा) च्या संयुक्त पथकाने दिनांक २१ ऑगस्ट २०२६ रोजी पहाटे ४:०० वाजता त्यांना शिताफीने ताब्यात घेतले.
पोलिसांनी कसून चौकशी केली असता त्यांनी हा गुन्हा केल्याची कबुली दिली. तसेच त्यांच्या एका नातेवाईकाने त्यांना हा गुन्हा करण्यासाठी मदत केल्याचे तपासात निष्पन्न झाले.
अटक करण्यात आलेल्या आरोपींची सविस्तर नावे व पत्ते
१. जितेद्र मोतीराम राठोड (वय २४ वर्षे, रा. रोकडी, ता. चाळीसगाव, जि. जळगाव, सध्या रा. मुंब्रादेवी चाळ, भोपरगाव कमान, डोंबिवली पूर्व, ठाणे).
२. ईश्वर गोरख चव्हाण (वय २३ वर्षे, रा. दसनाबाद, ता. कन्नड, जि. संभाजीनगर, सध्या रा. मुंब्रादेवी चाळ, भोपरगाव कमान, डोंबिवली पूर्व, ठाणे).
३. अजय मदन चव्हाण (वय ३५ वर्षे, रा. खोली क्र. ०४, मुंब्रादेवी चाळ, भोपरगाव कमान, डोंबिवली पूर्व, ठाणे) – हा मुख्य आरोपींचा नातेवाईक असून त्याने गुन्हा करण्यास मदत केली होती.
हस्तगत मुद्देमाल
पोलिसांनी अटक करण्यात आलेल्या आरोपींकडून फिर्यादीची चोरी गेलेली रोख रक्कम आणि २ मोबाईल फोन यशस्वीरित्या हस्तगत केले आहेत.
मार्गदर्शन व यशस्वी तपास पथक
ही धडक कारवाई खालील वरिष्ठ अधिकाऱ्यांच्या मार्गदर्शनाखाली पार पडली:
मा. अपर पोलीस आयुक्त (पूर्व प्रादेशिक विभाग पुणे): श्री. मनोज पाटील.
मा. पोलीस उप-आयुक्त (परिमंडळ ५ पुणे शहर): श्रीमती राजलक्ष्मी शिवणकर.
मा. सहाय्यक पोलीस आयुक्त (लष्कर विभाग पुणे शहर): श्री. वसंत कुवर.
तपास पथकातील अधिकारी व अंमलदार:
बंडगार्डन पोलीस स्टेशनचे वरिष्ठ पोलीस निरीक्षक श्री. संतोष पांढरे आणि पोलीस निरीक्षक (गुन्हे) श्री. विनोद सलगरकर यांच्या सूचनांनुसार तपास पथकाचे प्रभारी पोलीस उप-निरीक्षक राहुल पवार, पोलीस अंमलदार प्रदिप शितोळे, सारस साळवी, प्रकाश आव्हाड, महेश जाधव, निलेश पालवे, ज्ञानेश्वर बडे, मनोज भोकरे, शिवाजी सरक, ज्ञानेश्वर गायकवाड तसेच पुणे आरपीएफ खुफिया शाखेचे पोलीस अंमलदार आण्णासाहेब पाखरे, स्वप्नील धनसेर व युवराज गायकवाड यांनी ही अत्यंत महत्त्वाची कामगिरी फत्ते केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
