पुणे–सासवड परिसरात रोजा इफ्तारसाठी गेलेल्या १४ जणांवर हल्ला; आरोपींना अटक करण्याची मागणी
पुणे : पुणे जिल्ह्यातील सासवड हद्दीत रोजा इफ्तारसाठी गेलेल्या १४ जणांवर काही समाजकंटकांनी हल्ला केल्याची धक्कादायक घटना समोर आली आहे. या घटनेमुळे परिसरात तणावाचे वातावरण निर्माण झाले असून आरोपींवर तात्काळ कठोर कारवाई करण्याची मागणी विविध संघटनांकडून करण्यात येत आहे.
मिळालेल्या माहितीनुसार, रोजा इफ्तारसाठी काही जण एकत्र आले असताना काही अज्ञात समाजकंटकांनी त्यांच्यावर अचानक हल्ला केल्याची घटना घडली. या हल्ल्यात काही जणांना किरकोळ दुखापत झाल्याची माहिती मिळत आहे. घटनेची माहिती मिळताच स्थानिक नागरिकांमध्ये संतापाची लाट उसळली.
या घटनेच्या निषेधार्थ SDPI ची टीम, राष्ट्रीय दलित पँथर सेनेच्या अध्यक्षा सौ. आस्मा ताई, तसेच स्थानिक नगरसेवक काशीफ सैय्यद यांनी पोलीस प्रशासनाची भेट घेत घटनेबाबत तीव्र नाराजी व्यक्त केली. संबंधित सर्व आरोपींना तात्काळ अटक करून कठोर कारवाई करण्याची मागणी त्यांनी पोलिसांकडे केली.
यावेळी संघटनेच्या पदाधिकाऱ्यांनी पोलिसांना जाब विचारत, अशा प्रकारच्या घटना पुन्हा घडू नयेत यासाठी ठोस पावले उचलण्याची मागणी केली. नागरिकांच्या सुरक्षेचा प्रश्न गंभीर असून पोलिसांनी त्वरीत कारवाई करावी, अशी भूमिका त्यांनी मांडली.
दरम्यान, पुणे ग्रामीणचे पोलीस अधीक्षक मा. गौर साहेब यांनी संघटनेच्या प्रतिनिधींशी चर्चा करत घटनेची गंभीर दखल घेतली असून संबंधित आरोपींना २४ तासांच्या आत अटक करण्यात येईल, असे आश्वासन दिले. पोलिसांनी घटनेचा तपास सुरू केला असून आरोपींचा शोध सुरू असल्याची माहिती मिळत आहे.
या घटनेनंतर परिसरात कायदा व सुव्यवस्था अबाधित राखण्यासाठी पोलीस बंदोबस्त वाढविण्यात आला असून नागरिकांनी अफवांवर विश्वास न ठेवता शांतता राखावी, असे आवाहन पोलिस प्रशासनाने केले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
