पुणे:
कोथरूड परिसरातील कर्वे रोडवर एका मोबाईल व्यावसायिकावर लोखंडी कोयत्याने जीवघेणा हल्ला करणाऱ्या टोळीचा पुणे गुन्हे शाखेच्या खंडणी विरोधी पथकाने पर्दाफाश केला आहे. या प्रकरणात मुख्य सूत्रधारांसह एकूण आठ जणांना २४ तासांच्या आत जेरबंद करण्यात आले असून, अंतर्गत वादातून खुनाची सुपारी दिल्याचे तपासात निष्पन्न झाले आहे.
नेमकी घटना काय?
दिनांक १४ जुलै २०२६ रोजी कर्वे रोड, कोथरूड येथे काही हल्लेखोरांनी एका मोबाईल व्यावसायिकावर लोखंडी कोयत्याने जीवघेणा हल्ला केला होता. या घटनेनंतर अलंकार पोलीस ठाण्यात गुन्हा (गु.र.नं. १४६/२०२६) दाखल करण्यात आला होता.
अशी झाली कारवाई
या गुन्ह्याचा समांतर तपास खंडणी विरोधी पथक १ कडील सहाय्यक पोलीस निरीक्षक (सपोनि) प्रसन्न जऱ्हाड आणि त्यांचे पथक करत होते. तपासादरम्यान पोलीस अंमलदार सोमनाथ कांबळे आणि रहिम शेख यांना आरोपी सिद्धेश धुमाळ हा घोरपडे उद्यान परिसरात लपल्याची माहिती मिळाली. त्यानुसार सापळा रचून पोलिसांनी सिद्धेश नितीन धुमाळ (वय २५, रा. घोरपडे पेठ, पुणे) याला ताब्यात घेतले. त्याच्याकडे केलेल्या कसून चौकशीनंतर गुन्ह्यातील इतर साथीदारांची नावे समोर आली.
त्यानुसार, नागेश उर्फ लाडू राजू मानिके (वय १९, रा. विश्रांतवाडी), राज तुषार धुमाळ (वय १९, रा. एरंडवणे) आणि दोन विधीसंघर्षग्रस्त बालकांना पोलिसांनी ताब्यात घेतले.
खुनाच्या सुपारीचा कट उघड
अधिक तपासात धक्कादायक माहिती समोर आली की, फिर्यादीसोबत असलेल्या अंतर्गत वादामुळे खालील तीन इसमांनी या हल्ल्याची व खुनाच्या गुन्ह्याची सुपारी दिली होती:
१. प्रसाद सुभाष मारणे (वय ३१, रा. कोथरूड)
२. आदित्य अश्विनीकुमार डाके (वय २८, रा. कोथरूड)
३. मेघराज ज्ञानेश्वर बारंगळे (वय ३५, रा. नऱ्हे)
या सर्वांना अटक करण्यात आली असून, खंडणी विरोधी पथकाने या गंभीर गुन्ह्याचा यशस्वी तपास केला आहे.
मार्गदर्शन आणि कारवाई करणारी टीम
ही कारवाई पुणे शहर पोलीस आयुक्त अमितेश कुमार, पोलीस सह आयुक्त संजय दराडे, अपर पोलीस आयुक्त (गुन्हे) तेजस्विनी सातपुते, पोलीस उप आयुक्त (गुन्हे) गौहर हसन आणि सहायक पोलीस आयुक्त (गुन्हे शाखा १) शैलेश संखे यांच्या मार्गदर्शनाखाली करण्यात आली.
तपास पथकात खंडणी विरोधी पथक १ चे पोलीस निरीक्षक महेश सागडे, युनिट ३ चे पोलीस निरीक्षक प्रशांत अन्नछत्रे, सपोनि प्रसन्न जऱ्हाड, सपोनि नानासाहेब कदम आणि पोलीस अंमलदार सयाजी चव्हाण, दुर्योधन गुरव, रहिम शेख, सोमनाथ कांबळे, बाबासाहेब दांगडे, दयानंद तेलंगे पाटील, सचिन माळवे, नितीन कांबळे, मयुर भोकरे, किरण मोरे, नितीन बोराटे, सुहास जगताप, मुकुंद तारू, अतुल साठे, हानीफ शेख, अमित बोरडे, किशोर शिंदे व पुरुषोत्तम गुनला यांचा समावेश होता.
—
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
