पुणे | प्रतिनिधी
पुणे महानगरपालिकेच्या अतिक्रमण विभागातील सहाय्यक आयुक्त अशोक भवारी यांच्यावर गंभीर स्वरूपाचे आरोप करण्यात आले असून, त्यांच्या कार्यपद्धतीमुळे सामान्य नागरिक आणि पथारी व्यावसायिकांमध्ये भीतीचे वातावरण निर्माण होत असल्याचा आरोप जागरूक नागरिक विकास मंच, महाराष्ट्र राज्य यांनी केला आहे.
मंचाच्या पदाधिकाऱ्यांनी दिलेल्या माहितीनुसार, संबंधित अधिकारी नागरिकांशी संवाद साधताना स्वतःला न्यायाधीश असल्याचा भास निर्माण करत असून, एकतर्फी निर्णय घेत असल्याची तक्रार वारंवार समोर येत आहे. यामुळे लहान व्यावसायिक, पथारी धारक आणि सर्वसामान्य नागरिकांमध्ये असुरक्षिततेची भावना वाढत असल्याचे मंचाने नमूद केले आहे.
या पार्श्वभूमीवर मंचाकडून लवकरच पुणे महानगरपालिका आयुक्तांची प्रत्यक्ष भेट घेऊन संबंधित अधिकाऱ्यांवर योग्य ती कारवाई करण्याची मागणी केली जाणार आहे. तसेच, अतिक्रमण कारवाई करताना नियमांचे पालन, पारदर्शकता आणि मानवी दृष्टिकोन ठेवणे आवश्यक असल्याचेही त्यांनी अधोरेखित केले.
मंचाचे पुणे जिल्हा अध्यक्ष ऋषिकेश सावंत, शहर कार्याध्यक्ष उमेर शेख, तसेच अनुसूचित जाती-जमाती व पथारी सेलचे शहर अध्यक्ष शंकर ठाकूर यांनी एकत्रितपणे ही भूमिका मांडली. त्यांनी प्रशासनाला इशारा दिला की, नागरिकांच्या तक्रारींकडे दुर्लक्ष झाल्यास आंदोलनाचा मार्ग अवलंबण्यात येईल.
दरम्यान, या आरोपांबाबत मनपा प्रशासनाकडून अद्याप अधिकृत प्रतिक्रिया मिळालेली नसून, आयुक्तांची भूमिका काय असेल याकडे सर्वांचे लक्ष लागले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
