पुणे मनपा प्रशासनात मोठी घडामोड – अतिरिक्त आयुक्त पदांबाबत शासनाचे आदेश
पुणे | प्रतिनिधी
पुणे महानगरपालिकेतील (PMC) अतिरिक्त आयुक्तांची पदे ही मनपातीलच अधिकाऱ्यांमधून भरण्यात यावीत, यासाठी जागरूक नागरिक विकास मंच यांनी केलेल्या सातत्यपूर्ण पाठपुराव्याला अखेर यश मिळाले आहे. यासंदर्भात शासनाकडून मनपा आयुक्तांना आदेशित पत्र प्राप्त झाले असल्याची माहिती समोर आली आहे.
मंचाच्या वतीने गेल्या काही महिन्यांपासून प्रशासनातील स्थानिक अधिकाऱ्यांना न्याय मिळावा, तसेच मनपातील अनुभवी अधिकाऱ्यांना पदोन्नतीची संधी मिळावी, या मागणीसाठी विविध स्तरांवर पाठपुरावा सुरू होता. या मागणीला सकारात्मक प्रतिसाद देत शासनाने आयुक्तांना स्पष्ट निर्देश दिल्याने प्रशासनात समाधान व्यक्त होत आहे.
मंचाचे संस्थापक अध्यक्ष सुनील पवार यांनी सांगितले की, “मनपातील पात्र अधिकाऱ्यांना डावलून बाहेरील नियुक्त्या केल्यास अन्याय होतो. त्यामुळे स्थानिक अधिकाऱ्यांनाच प्राधान्य मिळावे, ही आमची भूमिका होती. शासनाने त्याची दखल घेतल्याने हा नागरिकांच्या लढ्याचा विजय आहे.”
तसेच, पुणे जिल्हा अध्यक्ष ऋषिकेश सावंत, शहर कार्याध्यक्ष उमेर शेख, आणि अनुसूचित जाती-जमाती व पथारी सेलचे शहर अध्यक्ष शंकर ठाकूर यांनीही या निर्णयाचे स्वागत केले. त्यांनी सांगितले की, या निर्णयामुळे मनपातील अधिकाऱ्यांचा मनोबल वाढेल आणि प्रशासन अधिक पारदर्शक व कार्यक्षम होईल.
दरम्यान, या आदेशानंतर मनपातील अतिरिक्त आयुक्त पदांच्या भरती प्रक्रियेत बदल होण्याची शक्यता असून, स्थानिक अधिकाऱ्यांना मोठा दिलासा मिळणार आहे.
— Crime Maharashtra Live News
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
