पुणे, दिनांक ०१ जुलै २०२६:
पुणे शहर पोलिसांच्या गुन्हे शाखेअंतर्गत असलेल्या ‘दरोडा व वाहनचोरी विरोधी पथक १’ ने एका आंतरराज्य घरफोडी करणाऱ्या टोळीचा पर्दाफाश केला आहे. पोलिसांनी या कारवाईत दोन सराईत गुन्हेगारांसह एका विधीसंघर्षीत बालकाला (नाबालिग) ताब्यात घेतले असून, घरफोडीचे ८ आणि वाहनचोरीचा १ असे एकूण ९ गुन्हे उघडकीस आणले आहेत. आरोपींकडून तब्बल ११,११,००० रुपये किमतीचा ऐवज जप्त करण्यात आला आहे.
असा लागला टोळीचा सुगावा
कोथरूड पोलीस स्टेशन येथे दाखल गु.र.नं. २२८/२०२६ (भारतीय न्याय संहिता कलम ३०५ (अ), ३३१ (३), ३ (५) प्रमाणे) मधील अज्ञात आरोपींचा माग काढण्यासाठी दरोडा व वाहनचोरी विरोधी पथक १ कडून समांतर तपास सुरू होता. पोलिसांनी पुणे शहर आणि पिंपरी-चिंचवड परिसरातील सीसीटीव्ही (CCTV) फुटेजची तपासणी तसेच तांत्रिक विश्लेषण करून संशयित आरोपींना निष्पन्न केले.
दिनांक ३०/०६/२०२६ रोजी या आरोपींचा शोध घेत असताना, पोलीस अंमलदार साई कारके आणि महेश पाटील यांना त्यांच्या गोपनीय बातमीदाराकडून अत्यंत महत्त्वाची माहिती मिळाली. हे आरोपी पुणे सोडून गोव्याला पळून जाण्याच्या तयारीत असून सध्या खडकी येथील रेंजहिल्स परिसरात थांबले आहेत, अशी पक्की माहिती मिळताच पोलिसांनी रेंजहिल्स परिसरात तातडीने सापळा रचला आणि आरोपींना शिताफीने ताब्यात घेतले.
आरोपी आणि चोरीचा माल घेणारा रिसीव्हर अटकेत
पोलिसांनी ताब्यात घेतलेल्या आरोपींची नावे खालीलप्रमाणे आहेत:
१) धनंजय हरीष काळे (वय २१ वर्षे, रा. सृष्टी चौक, पिंपळे गुरव, पिंपरी, पुणे)
२) यश उर्फ गट्या दत्ता देशमुख (वय १९ वर्षे, रा. आदर्श हॉटेलजवळ, भारतनगर, पिंपरी)
३) एक विधीसंघर्षीत बालक
आरोपींकडे कसून चौकशी केली असता, त्यांनी कोथरूड परिसरात घरफोड्या केल्याची कबुली दिली. तसेच, चोरी केलेला मुद्देमाल त्यांनी मोहन नागनाथ नवले (वय ३९ वर्षे, रा. भारतनगर झोपडपट्टी, पिंपरी रेल्वे स्टेशन शेजारी, पिंपरी, पुणे) आणि त्याच्या एका साथीदाराच्या मदतीने विकल्याचे सांगितले. या माहितीच्या आधारे पोलिसांनी चोरीचा माल विकत घेणारा (रिसीव्हर) मोहन नागनाथ नवले यालाही अटक केली.
या सर्वांकडून पोलिसांनी ११,११,००० रुपये किमतीचा मुद्देमाल जप्त केला असून, यामध्ये सोन्याचे दागिने, रोख रक्कम, मोबाईल आणि मोटार सायकलचा समावेश आहे.
अनेक राज्यांत व शहरांत गुन्हे उघड
पकडण्यात आलेल्या टोळीने महाराष्ट्र आणि गुजरात राज्यांत अनेक ठिकाणी हात साफ केल्याचे तपासात निष्पन्न झाले आहे. त्यांच्याकडून खालील पोलीस ठाण्यांच्या हद्दीतील गुन्हे उघडकीस आले आहेत:
कोथरूड पोलीस स्टेशन – ०२ गुन्हे
बिबवेवाडी पोलीस स्टेशन – ०१ गुन्हा
सहकारनगर पोलीस स्टेशन – ०१ गुन्हा
दिघी पोलीस स्टेशन – ०१ गुन्हा
संजयनगर पोलीस स्टेशन (सांगली) – ०३ गुन्हे
वापी पोलीस स्टेशन (वलसाड जिल्हा, गुजरात) – ०१ गुन्हा
सध्या या सर्व आरोपींना आणि जप्त केलेल्या मुद्देमालाला पुढील कायदेशीर कारवाईसाठी कोथरूड पोलीस ठाण्याच्या स्वाधीन करण्यात आले आहे.
कारवाई करणारे पोलीस पथक
ही यशस्वी कारवाई पुणे शहरच्या मा. अपर पोलीस आयुक्त (गुन्हे) श्रीमती तेजस्वी सातपुते, मा. पोलीस उप-आयुक्त (गुन्हे) श्री. गौहर हसन आणि मा. सहाय्यक पोलीस आयुक्त (गुन्हे ३) श्री. शंकर खटके यांच्या मार्गदर्शनाखाली करण्यात आली.
या मोहिमेत दरोडा व वाहनचोरी विरोधी पथक-१ चे पोलीस निरीक्षक मारुती खेडकर यांच्या सूचनेनुसार, सहाय्यक पोलीस निरीक्षक नाथा भुजबळ (एम.ओ.बी. गुन्हे शाखा, पुणे शहर), पोलीस उप-निरीक्षक जालिंदर फडतरे, तसेच पोलीस अंमलदार साई कारके, महेश पाटील, साधना पवार, अमित गद्रे, बाळु गायकवाड, रविंद्र लोंखडे, अजित शिंदे, प्रदिप राठोड, गणेश ढगे, शिवाजी सातपुते आणि नारायण बनकर यांनी महत्त्वाची व कौतुकास्पद भूमिका बजावली.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
