पुणे:
कॅम्प परिसरातील एम. जी. रोडवरील एका कपड्याच्या दुकानाची खिडकी उचकटून आत प्रवेश करत रोख रक्कम चोरणाऱ्या दोन सराईत गुन्हेगारांना लष्कर पोलीस ठाण्याच्या तपास पथकाने तांत्रिक तपासाच्या आधारे अटक केली आहे. अटक करण्यात आलेल्या आरोपींकडून गुन्ह्यातील चोरीची रोख रक्कम आणि चोरीसाठी वापरलेल्या दोन दुचाकी वाहनांसह एकूण २,८५,१०० रुपयांचा मुद्देमाल हस्तगत करण्यात पोलिसांना यश आले आहे.
अटक करण्यात आलेल्या आरोपींची नावे:
१) अभिषेक राम कुमार (वय १९ वर्षे, रा. नाकोडा बिल्डिंग, इंडियन पेट्रोल पंपाच्या शेजारी, गंगाधाम, मार्केटयार्ड, पुणे)
२) सचिन प्रताप परिहार (वय २० वर्षे, रा. फ्लॅट नंबर १०२, बिबवेवाडी वट्टा, बिबवेवाडी, पुणे)
घटनेची पार्श्वभूमी व चोरीचा प्रकार:
मिळालेल्या माहितीनुसार, कॅम्प येथील एम. जी. रोडवर फिर्यादी यांचे ‘इन्टस्टाईल मेन्स अँड किड्स’ (Instyle Mens & Kids) नावाचे कपड्यांचे दुकान आहे. दिनांक ३० जून २०२६ रोजी रात्री हे दुकान बंद असताना, आरोपींनी दुकानाच्या खिडकीचे ग्रील उचकटून आत बेकायदेशीरपणे प्रवेश केला. त्यानंतर दुकानाच्या कॅश काउंटरमध्ये ठेवलेली १,७०,०००/- रुपये (एक लाख सत्तर हजार) रोकड चोरून आरोपी फरार झाले होते. याप्रकरणी लष्कर पोलीस ठाण्यात गुन्हा रजिस्टर क्रमांक १४९/२०२६, भारतीय न्याय संहिता (BNS) कलम ३०५, ३३१(४), ३३१(३), ३(५) अन्वये गुन्हा दाखल करण्यात आला होता.
अशी झाली अटक व मुद्देमाल जप्त:
गुन्ह्याचे गांभीर्य ओळखून लष्कर पोलीस ठाण्याच्या तपास पथकातील पोलीस अधिकारी व अंमलदारांनी घटनास्थळाची पाहणी करून तांत्रिक तपास केला. गोपनीय माहिती आणि तांत्रिक विश्लेषणाच्या आधारे पोलिसांनी वरील दोन्ही आरोपी निष्पन्न केले आणि त्यांचा माग काढत दिनांक १ जुलै २०२६ रोजी त्यांना बेड्या ठोकल्या.
आरोपींकडे कसून चौकशी केली असता त्यांनी सदर घरफोडी केल्याची कबुली दिली. त्यांच्याकडून पोलिसांनी खालील मुद्देमाल हस्तगत केला आहे:
रोख रक्कम: १,६५,१००/- रुपये (एक लाख पपास हजार शंभर)
वाहने: गुन्ह्यात वापरलेल्या १,२०,०००/- रुपये किमतीच्या दोन दुचाकी
एकूण जप्त मुद्देमाल: २,८५,१००/- रुपये
या गुन्ह्याचा पुढील तपास लष्कर पोलीस ठाण्याचे पोलीस उप-निरीक्षक राहुल घाडगे करीत आहेत.
पोलीस पथक:
सदरची उल्लेखनीय कामगिरी मा. अपर पोलीस आयुक्त (पश्चिम प्रादेशिक विभाग, पुणे शहर) श्री. मनोज पाटील, मा. पोलीस उप-आयुक्त (परिमंडळ ०५, पुणे शहर) श्रीमती राजलक्ष्मी शिवणकर, आणि मा. सहाय्यक पोलीस आयुक्त (लश्कर विभाग, पुणे) श्रीमती संगिता शिंदे अल्फान्सो यांच्या मार्गदर्शनाखाली करण्यात आली.
तसेच, लष्कर पोलीस ठाण्याचे वरिष्ठ पोलीस निरीक्षक श्री. युवराज हांडे, पोलीस निरीक्षक (गुन्हे) श्री. गजानन चोरमले यांच्या सुचनांनुसार, पोलीस उप-निरीक्षक राहुल घाडगे आणि तपास पथकाचे पोलीस अंमलदार अतुल मेंगे, संदीप उकिरडे, शरद मारणे, प्रवीण गायकवाड, विजय कुंभार, सागर हराळ, लोकेश कदम, अमोल कोडीलकर व पारसे यांनी ही यशस्वी कारवाई केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
