पुणे: पुणे शहर पोलीस दलाच्या गुन्हे शाखा युनिट ६ ने धडक कारवाई करत टाटा कंपनीचा ‘छोटा हत्ती’ टेम्पो चोरणाऱ्या दोन अट्टल गुन्हेगारांना अटक केली आहे. ही कारवाई फुरसुंगी परिसरात करण्यात आली असून, आरोपींकडून चोरीचा टेम्पो आणि मोबाईल असा एकूण ४ लाख ७० हजार रुपयांचा मुद्देमाल हस्तगत करण्यात आला आहे.
अशी झाली कारवाई
दिनांक ४ मे २०२६ रोजी गुन्हे शाखा युनिट ६ चे पोलीस निरीक्षक सुदर्शन गायकवाड व त्यांचे पथक फुरसुंगी पोलीस स्टेशनच्या हद्दीत गस्त घालत होते. यावेळी पोलीस अंमलदार प्रशांत कर्णवर आणि नानासाहेब मोरे यांना त्यांच्या गुप्त बातमीदाराकडून महत्त्वाची माहिती मिळाली. फुरसुंगी येथील पॉवर हाऊस परिसरात दोन व्यक्ती चोरीचा ‘छोटा हत्ती’ टेम्पो घेऊन थांबल्याची खात्रीशीर माहिती पथकाला मिळाली होती.
मिळालेल्या माहितीनुसार, पोलिसांनी तातडीने पॉवर हाऊस ओव्हर ब्रिजखाली सापळा रचला. तिथे उभ्या असलेल्या टेम्पो (क्रमांक के.ए. ७१ ०५७८) जवळ दोन संशयित व्यक्ती दिसून आल्या. पोलिसांनी शिताफीने या दोघांना ताब्यात घेतले.
आरोपींची नावे आणि गुन्ह्याची कबुली
ताब्यात घेतलेल्या आरोपींची चौकशी केली असता त्यांनी आपली नावे खालीलप्रमाणे सांगितली:
१. कन्हैयासिंग कालुसिंग टाक (वय ३३ वर्षे, रा. तुळजा भवानी वसाहत, गाडीतळ, हडपसर, पुणे).
२. राजेशसिंग नानकसिंग दुधानी (वय ४८ वर्षे, रा. तुळजा भवानी वसाहत, गाडीतळ, हडपसर, पुणे).
टेम्पोच्या कागदपत्रांबाबत विचारणा केली असता, दोन्ही आरोपींनी सांगितले की त्यांनी हा टेम्पो काल रात्री त्रिवेणी नगर, चिखली (पुणे) येथून कात्रीच्या साहाय्याने लॉक तोडून चोरला होता. याप्रकरणी चिखली पोलीस स्टेशनमध्ये गु.र.नं. २६९/२०२६ नुसार भारतीय न्याय संहिता कलम ३०३ (२) अन्वये गुन्हा दाखल आहे.
जप्त केलेला मुद्देमाल
४,५०,०००/- रुपये किमतीचा टाटा छोटा हत्ती टेम्पो.
२०,०००/- रुपये किमतीचे दोन मोबाईल हँडसेट.
एकूण ४,७०,०००/- रुपये किमतीचा मुद्देमाल जप्त करण्यात आला आहे.
आरोपींना पुढील कायदेशीर कारवाईसाठी चिखली पोलिसांच्या ताब्यात देण्यात आले आहे.
तपास पथक
ही यशस्वी कामगिरी अपर पोलीस आयुक्त (गुन्हे) पंकज देशमुख, पोलीस उप-आयुक्त (गुन्हे) विवेक मासाळ आणि सहायक पोलीस आयुक्त (गुन्हे २) राजेंद्र मुळीक यांच्या मार्गदर्शनाखाली पार पडली.
या कारवाईत गुन्हे शाखा युनिट ६ चे पोलीस निरीक्षक सुदर्शन गायकवाड यांच्यासह पोलीस अंमलदार प्रशांत कर्णवर, तानाजी देशमुख, नानासाहेब मोरे, बाळासाहेब सकटे, प्रमोद टिळेकर, अमित कांबळे, गणेश माने, शेखर काटे, उमेश शेलार, पल्लवी मोरे, मनिषा लोखंडे आणि अनिल जामगे यांच्या पथकाने सहभाग घेतला होता.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
