पुणे (प्रतिनिधी):
पुणे शहर पोलीस आयुक्तालय पूर्व विभागात रात्रगस्त घालत असताना गुन्हे शाखा युनिट ६ च्या पथकाने एका सराईत गुन्हेगाराला शिताफीने अटक केली आहे. आरोपीकडून एक गावठी बनावटीचे पिस्टल आणि दोन जिवंत काडतुसे असा एकूण ४१,२००/- रुपयांचा मुद्देमाल जप्त करण्यात आला आहे.
गुप्त माहितीच्या आधारे कारवाई
दिनांक ५ मे २०२६ रोजी युनिट ६ चे पोलीस निरीक्षक सुदर्शन गायकवाड आणि त्यांचे पथक पूर्व विभागात समांतर रात्रगस्त (पेट्रोलिंग) घालत होते. यावेळी पोलीस अंमलदार शेखर काटे व तानाजी देशमुख यांना त्यांच्या गोपनीय बातमीदारामार्फत एक महत्त्वाची माहिती मिळाली. साहिल शाम नरळकर (वय २५ वर्षे, रा. चक्रपाणी वसाहत, मंगलमूर्ती हाउसिंग सोसायटी, भोसरी, पुणे) हा तरुण फुरसुंगी येथील गंगानगर परिसरामध्ये संशयास्पदरीत्या फिरत असून त्याच्याकडे पिस्टल असल्याची खात्रीशीर माहिती पोलिसांना मिळाली होती.
मिळालेल्या माहितीनुसार, पोलिसांनी फुरसुंगी परिसरात सापळा रचून साहिल नरळकर याला ताब्यात घेतले. त्याची अंगझडती घेतली असता त्याच्याकडे ०१ गावठी बनावटीचे पिस्टल आणि ०२ जिवंत काडतुसे मिळून आली.
गुन्हा दाखल व अटक
याप्रकरणी आरोपी साहिल शाम नरळकर विरुद्ध फुरसुंगी पोलीस स्टेशन येथे गु.र.नं. १८३/२०२६, आर्म्स ॲक्ट कलम 3(24) आणि मुंबई पोलीस अधिनियम कलम 3(9)(3) सह १३५ अन्वये गुन्हा दाखल करण्यात आला आहे.
कारवाई करणारे पथक
ही यशस्वी कामगिरी पुणे शहराचे अपर पोलीस आयुक्त (गुन्हे) श्री. पंकज देशमुख, पोलीस उप-आयुक्त (गुन्हे) श्री. विवेक मासाळ आणि सहायक पोलीस आयुक्त (गुन्हे २) श्री. राजेंद्र मुळीक यांच्या मार्गदर्शनाखाली पार पडली.
युनिट ६ गुन्हे शाखेचे पोलीस निरीक्षक सुदर्शन गायकवाड यांच्या सूचनांनुसार, पोलीस अंमलदार तानाजी देशमुख, बाळासाहेब सकटे, अमित कांबळे, पल्लवी मोरे, गणेश माने, शेखर काटे आणि उमेश शेलार यांच्या पथकाने ही कारवाई यशस्वीरीत्या पूर्ण केली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
