पुणे | विमननगरमध्ये भरधाव थारची धडक — सोसायटीची भिंत कोसळली, ३–४ गाड्यांचे मोठे नुकसान
पुणे : विमननगर परिसरात रविवारी (दि. ५ एप्रिल २०२६) पहाटे सुमारे ३ वाजण्याच्या सुमारास एक गंभीर अपघात घडला. भरधाव वेगाने येणाऱ्या महिंद्रा थार वाहनाने ‘विमन पॅराडाईज सोसायटी’च्या भिंतीला जोरदार धडक दिल्याने सोसायटीची कंपाउंड वॉल कोसळली. या धडकेत सोसायटीच्या ओपन पार्किंगमध्ये उभ्या असलेल्या ३ ते ४ गाड्यांचेही मोठे नुकसान झाले आहे.
अपघाताची तीव्रता इतकी होती की, परिसरात काही काळ भीतीचे वातावरण निर्माण झाले. सुदैवाने मोठी जीवितहानी टळली. सोसायटीचा सुरक्षा रक्षक काही क्षणांपूर्वीच पाणी सुरू करण्यासाठी बाहेर गेल्याने तो थोडक्यात बचावला.
प्राथमिक माहितीनुसार, संबंधित वाहनचालक हा मद्यधुंद अवस्थेत असल्याची शक्यता व्यक्त केली जात आहे. अपघातानंतर चालक घटनास्थळावरून फरार झाला असून, वाहनमालकाकडूनही अद्याप सहकार्य मिळत नसल्याची माहिती समोर येत आहे.
घटनेची माहिती मिळताच पोलिसांनी घटनास्थळी धाव घेतली असून, पुढील तपास सुरू आहे. सीसीटीव्ही फुटेजच्या आधारे आरोपीचा शोध घेतला जात आहे.
दरम्यान, या प्रकरणाची अधिकृत माहिती व तपासाची दिशा जाणून घेण्यासाठी नागरिकांनी विमननगर पोलिस ठाण्याशी संपर्क साधण्याचे आवाहन करण्यात आले आहे.
(टीप : माहिती देणाऱ्या व्यक्तीची ओळख गोपनीय ठेवण्यात आली आहे.)
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
