पुणे-सातारा महामार्गावरील नवीन कात्रज बोगद्याजवळ भीषण अपघात
पुणे (शशिकांत पाटोळे) | दि; ५ मार्च २०२६ : सातारा महामार्गावर नवीन कात्रज बोगद्याजवळील जांभुळवाडी दरी पुल परिसरात आज गुरुवारी दुपारी एक भीषण साखळी अपघात झाला. भरधाव कंटेनरने नियंत्रण सुटल्यानंतर समोर असलेल्या तीन ते चार वाहनांना जोरदार धडक दिल्याने हा अपघात घडला. या घटनेत सात ते आठ जण जखमी झाले असल्याची माहिती आहे.
प्राथमिक माहितीनुसार, सातारा दिशेकडून पुण्याकडे येणारा कंटेनर अचानक नियंत्रणाबाहेर गेला. उतार असलेल्या या घाट रस्त्यावर कंटेनरने पुढे असलेल्या चारचाकी वाहनांना पाठीमागून जोरदार धडक दिली. धडकेची तीव्रता इतकी प्रचंड होती की, चार कारचे मोठ्या प्रमाणात नुकसान झाले. काही वाहनांच्या काचा फुटल्या, तर गाड्यांचे सुटे भाग रस्त्यावर विखुरले गेले. परिसरात काही काळ भीतीचे वातावरण निर्माण झाले होते.
अपघातानंतर स्थानिक नागरिक, इतर वाहनचालक आणि प्रवाशांनी तात्काळ मदतकार्य सुरू केले. जखमींना बाहेर काढून जवळच्या रुग्णालयात दाखल करण्यात आले. पोलिस, अग्निशमन दल आणि आपत्कालीन सेवा घटनास्थळी दाखल झाल्या. जखमींपैकी काहींची प्रकृती गंभीर असल्याची माहिती आहे, तर बहुतेक किरकोळ जखमी आहेत.
या अपघातामुळे महामार्गावरील वाहतूक काही काळ पूर्णपणे ठप्प झाली होती. वाहनांची मोठी कोंडी लागली. पोलिस आणि वाहतूक पथकाने घटनास्थळावरील वाहने बाजूला करून वाहतूक हळूहळू सुरळीत केली. मात्र, अपघातग्रस्त परिसरात अजूनही काही प्रमाणात वाहतूककोंडी कायम आहे.
*अपघातांचा ‘हॉटस्पॉट’*
पुणे-सातारा महामार्ग हा अपघातांचा ‘हॉटस्पॉट’ म्हणून ओळखला जातो. नवले पुल आणि जांभुळवाडी दरी पुल परिसरात उतार, वळण आणि वेगामुळे असे अपघात वारंवार घडतात. पोलिसांनी अपघाताचे कारण तपास सुरू केले असून, कंटेनर चालकाच्या निष्काळजीपणामुळे हा अपघात झाल्याचा संशय आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
