“माझं कुंकू, माझा देश” आंदोलन – पाकिस्तानविरोधात शिवसेना पुणे शहर आक्रमक
पुणे :
२२ एप्रिल २०२५ रोजी जम्मू-काश्मीरमधील पहेलगाम येथे झालेल्या भयंकर दहशतवादी हल्ल्यात २६ निरपराध पर्यटकांचा बळी गेला. हिंदू भगिनींवर अतिरेक्यांनी केलेल्या या निर्दयी हल्ल्यानंतरही मोदी सरकार पाकिस्तानशी क्रिकेट खेळण्याचा निर्णय घेते, हा निर्णय थेट देशद्रोही मानसिकतेचा आहे. भारतीयांचा अपमान करणाऱ्या या निर्णयाच्या तीव्र विरोधात शिवसेना उद्धव बाळासाहेब ठाकरे पक्ष पुणे शहर महिला आघाडी तर्फे “माझं कुंकू, माझा देश” हे राज्यव्यापी आंदोलन आज ऐतिहासिक लालमहाल चौकात दणक्यात पार पडले.
मोदी सरकार पाकिस्तानप्रेमात गुंतले असले, तरी शिवसेना हिंदुहृदय सम्राट बाळासाहेब ठाकरे यांच्या शिकवणीप्रमाणे राष्ट्रप्रेमाची मशाल पेटवून ठेवणार, असा इशारा यावेळी देण्यात आला.
शहर पदाधिकारी निकिता मारटकर यांनी संताप व्यक्त करताना स्पष्ट म्हटले की –
“पाकिस्तान हा न सुधारणारा दहशतवादी देश आहे. हिंदुहृदय सम्राट बाळासाहेब ठाकरे आज असते, तर मोदी सरकारची कानउघडणी केली असती. मातांच्या कपाळावरील कुंकू पुसणाऱ्यांना पाकिस्तानात आसरा देणाऱ्यांसोबत क्रिकेट खेळणे, हे शहीदांच्या बलिदानाचा अवमान आहे. शिवसेना हे कधीही सहन करणार नाही!”
यावेळी महिला आघाडीच्या आक्रमक नेत्या निकिता मारटकर, रोहिणी कोल्हाळ, विद्या होडे, ज्योती चांदेरे, वैशाली दारवटकर, अमृता पठारे, सुनीता खंडाळकर, मृण्मयी लिमये, अनुष्का कुलकर्णी, रोहिणी मडोले, गायत्री गरुड, स्मिता पवार, दीपाली शिंदे, विजया बेंगळे, पार्वती कांबळे, वैशाली कांबळे, नसीम कांबळे यांनी पाकिस्तानविरोधी घोषणाबाजी करत संताप व्यक्त केला.
तसेच आंदोलनाला शहरप्रमुख गजानन थरकुडे, वाहतूक सेना जिल्हाप्रमुख दत्ता घुले, मुकुंद चव्हाण, सूर्यकांत पवार, विजय रावडे, सुशील पवार, मुकुंद गवळी, ओंकार मारणे, अनिकेत मारणे, चिंतामणी मुंगी यांच्यासह असंख्य शिवसैनिकांनी जंगी उपस्थिती लावली.
“शिवसेना हे आंदोलन थांबवणार नाही. पाकिस्तानशी सर्व संबंध तोडल्याशिवाय व शहीदांच्या बलिदानाचा बदला घेतल्याशिवाय शिवसैनिक स्वस्थ बसणार नाहीत!” – असा इशारा यावेळी देण्यात आला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
