पुणे, दि. 27 एप्रिल 2026 – मार्केट यार्ड वाहतूक विभागातील दोन पोलिस कर्मचाऱ्यांच्या प्रसंगावधानामुळे एका नागरिकाचे प्राण वाचल्याची कौतुकास्पद घटना समोर आली आहे. त्यांच्या या मानवतावादी कार्याचे सर्वत्र अभिनंदन होत आहे.
आज दुपारी सुमारे 12.20 वाजण्याच्या सुमारास मार्केट यार्ड चौक येथे कर्तव्यावर असलेले हेड कॉन्स्टेबल तानाजी राऊत आणि पोलिस कॉन्स्टेबल दीपक गाडगे यांनी रस्त्यावर एक व्यक्ती बेशुद्ध अवस्थेत पडलेली पाहिली. परिस्थितीची गंभीरता लक्षात घेऊन त्यांनी कोणतीही वेळ न दवडता संबंधित व्यक्तीस तात्काळ राव नर्सिंग होम येथे उपचारासाठी दाखल केले.
वेळेत उपचार मिळाल्याने संबंधित रुग्णाचे प्राण वाचविणे शक्य झाले. रुग्णाचे नाव दत्तात्रय रणधावे (वय 47 वर्षे, रा. चरोली) असे असून त्यांच्यावर सध्या उपचार सुरू आहेत.
या घटनेबाबत मुख्य वैद्यकीय अधिकारी डॉ. प्रकाश पाटील यांनी सांगितले की, पोलिस कर्मचाऱ्यांनी दाखविलेली तत्परता आणि मानवतावादी दृष्टिकोन अत्यंत कौतुकास्पद आहे. त्यांच्या वेळेवरच्या मदतीमुळे रुग्णाचा जीव वाचला.
या दोन्ही पोलिस कर्मचाऱ्यांनी दाखविलेल्या कर्तव्यदक्षतेचे, संवेदनशीलतेचे आणि सामाजिक बांधिलकीचे सर्व स्तरातून कौतुक होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
