मिस फराह चॅरिटेबल फाउंडेशन, पुणे
दिनांक : ५/२/२०२६
मुंबई–पुणे द्रुतगती मार्गावर टँकरमधून झालेल्या धोकादायक गॅस/केमिकल लीकमुळे तब्बल २२ ते २४ तास संपूर्ण वाहतूक ठप्प राहिली. महाराष्ट्राची जीवनवाहिनी मानल्या जाणाऱ्या या 
महामार्गावर एका घटनेमुळे हजारो प्रवासी, महिला, लहान मुले, वृद्ध नागरिक, रुग्ण व कामगार तासन्तास अडकून पडले.
ना पिण्याचे पाणी, ना अन्नाची सोय, ना वैद्यकीय मदत. अनेक प्रवासी वाहनांमध्ये अडकून मानसिक तणावात होते. काही रुग्णांना वेळेवर उपचार मिळाले नाहीत, तर अनेक प्रवासी महत्त्वाच्या कामांना मुकले. ही केवळ वाहतूक कोंडी नव्हे, तर प्रशासनाच्या निष्काळजीपणामुळे सामान्य नागरिकांवर ओढवलेली मोठी आपत्ती आहे.
मिस फराह चॅरिटेबल फाउंडेशन या घटनेचा तीव्र शब्दांत निषेध करत आहे.
फाउंडेशनच्या अध्यक्षा डॉ. फराह अन्वर हुसैन शेख यांनी भावना व्यक्त करत सांगितले—
“मुंबई–पुणे द्रुतगती मार्गावर घडलेली ही घटना अत्यंत वेदनादायक आहे. एका टँकरच्या हलगर्जीपणामुळे आणि प्रशासनाच्या अपुऱ्या नियोजनामुळे हजारो लोकांचे आयुष्य जवळपास एक दिवस ठप्प झाले. प्रवाशांचे शारीरिक, मानसिक व आर्थिक नुकसान झाले 
आहे. ज्या प्रकारे विमानसेवा रद्द झाली किंवा बस अपघात झाला तर प्रवाशांना पर्याय दिला जातो किंवा नुकसानभरपाई मिळते, त्याचप्रमाणे महामार्गावर अडकलेल्या सर्व नागरिकांनाही योग्य नुकसानभरपाई मिळाली पाहिजे. ही आमची ठाम मागणी आहे.”
फाउंडेशनचे संचालक अन्वर हुसैन शेख यांनी प्रशासनावर कठोर टीका करत म्हटले—
“लोक तासन्तास रस्त्यावर अडकले असताना कुठलीही ठोस मदत पोहोचली नाही, हे अत्यंत लाजिरवाणे आहे. जर एखादे विमान तांत्रिक बिघाडामुळे थांबले, रेल्वे उशिरा झाली किंवा बसचा अपघात झाला तर प्रवाशांना पर्यायी व्यवस्था आणि काही वेळा नुकसानभरपाई दिली जाते. मग महामार्गावर हजारो लोक अडकून राहिले असताना त्यांच्यासाठी काहीच का नाही? दोषी टँकर चालक, संबंधित कंत्राटदार आणि महामार्ग प्रशासनावर कठोर कारवाई झाली पाहिजे.”
फाउंडेशनच्या ठोस मागण्या :
अशा आपत्कालीन परिस्थितीत त्वरित पर्यायी मार्ग खुले करून वाहतूक सुरळीत करावी.
महामार्गावर कायमस्वरूपी आपत्कालीन मदत केंद्रे, रुग्णवाहिका व मदत पथके उपलब्ध ठेवावीत.
धोकादायक रसायने व गॅस वाहतुकीसाठी अत्यंत कडक सुरक्षा नियम लागू करावेत.
निष्काळजीपणामुळे अडकलेल्या हजारो प्रवाशांना आर्थिक नुकसानभरपाई द्यावी.
संबंधित दोषींवर कठोर कायदेशीर कारवाई करावी.
ही घटना प्रशासनासाठी मोठा इशारा आहे. आज दुर्लक्ष केले गेले, तर उद्या याहून मोठे संकट ओढवू शकते. सामान्य नागरिकांचे जीवन व वेळ याची किंमत कमी लेखण्याचा अधिकार कुणालाही नाही.
मिस फराह चॅरिटेबल फाउंडेशन सरकार, महामार्ग प्राधिकरण व प्रशासनाला आवाहन करत आहे की या प्रकरणाची तात्काळ चौकशी करून दोषींवर कठोर कारवाई करावी व पीडित प्रवाशांना न्याय द्यावा.
संपर्कासाठी :
अन्वर हुसैन शेख
मोबाईल : 8459867838 / 9511696198
ई-म
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
