लोणी काळभोर येथे वेश्याव्यवसायावर छापा; हॉटेल मॅनेजरसह दोन आरोपी अटकेत, दोन महिलांची सुटका
पुणे | प्रतिनिधी
लोणी काळभोर पोलीस ठाण्याच्या हद्दीत सुरू असलेल्या बेकायदेशीर वेश्याव्यवसायावर पोलिसांनी मोठी कारवाई करत हॉटेल मॅनेजर व वेटरसह दोन आरोपींना ताब्यात घेतले असून, दोन पीडित महिलांची सुटका करण्यात आली आहे. ही कारवाई पुणे–सोलापूर रोडवरील कडील टोलनाका परिसरात असलेल्या जयश्री एक्झिक्युटिव्ह रेस्टॉरंट बार अँड लॉजिंग येथे करण्यात आली.
दिनांक 19 डिसेंबर 2025 रोजी सकाळी सुमारे 10 वाजता, लोणी काळभोर पोलिसांना सदर ठिकाणी वेश्याव्यवसाय सुरू असल्याची गोपनीय माहिती मिळाली. त्या आधारे पोलिसांनी सापळा रचत बनावट ग्राहक पाठवून छापा टाकला. छाप्यादरम्यान हॉटेलचा मॅनेजर मोहन कसनू राठोड (वय 40) व वेटर गणेश दत्ता चिलकेवार (वय 25) हे स्वतःच्या आर्थिक फायद्यासाठी महिलांकडून वेश्याव्यवसाय करून घेत असल्याचे निष्पन्न झाले.
छाप्यावेळी दोन महिलांची सुटका करण्यात आली असून, त्यांना जबरदस्तीने व आर्थिक आमिष दाखवून या व्यवसायात ढकलण्यात आल्याचे प्राथमिक चौकशीत समोर आले आहे. पोलिसांनी घटनास्थळावरून रोख रक्कम, मोबाईल फोन व कंडोम पॅकेट्स असा एकूण ₹54,800/- चा मुद्देमाल जप्त केला आहे.
या प्रकरणी लोणी काळभोर पोलीस ठाण्यात आरोपींविरोधात अनैतिक मानवी वाहतूक (प्रतिबंध) कायदा 1956 अंतर्गत संबंधित कलमांनुसार गुन्हा दाखल करण्यात आला असून, दोन्ही आरोपींना अटक करण्यात आली आहे. सुटका करण्यात आलेल्या महिलांना पुनर्वसनासाठी संबंधित संस्थेकडे पाठवण्यात आले आहे.
सदर कारवाई वरिष्ठ पोलीस अधिकाऱ्यांच्या मार्गदर्शनाखाली महिला पोलीस अधिकारी व कर्मचाऱ्यांच्या पथकाने यशस्वीपणे पार पाडली. या कारवाईमुळे लोणी काळभोर परिसरात बेकायदेशीर व्यवसाय करणाऱ्यांमध्ये खळबळ उडाली आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
