वडमुखवाडीत पुन्हा कारवाई; अगत्य लॉजसमोर वेश्या व्यवसायावर पोलिसांचा छापा
पिंपरी-चिंचवड | प्रतिनिधी : युनूस खतीब
दिघी पोलीस ठाण्याच्या हद्दीत वडमुखवाडी परिसरात वेश्या व्यवसायावर पुन्हा एकदा पोलिसांनी कारवाई करत महिला आरोपीवर गुन्हा दाखल केला आहे. सततच्या कारवाईमुळे या परिसरातील बेकायदेशीर प्रकारांवर पोलिसांनी अंकुश ठेवण्याचा प्रयत्न सुरू असल्याचे दिसून येत आहे.
ही कारवाई ६ एप्रिल २०२६ रोजी सायंकाळी सुमारे ५.५० वाजण्याच्या सुमारास अगत्य लॉजसमोर, वडमुखवाडी येथील सार्वजनिक रस्त्यावर करण्यात आली. पोलिसांना मिळालेल्या माहितीच्या आधारे घटनास्थळी छापा टाकण्यात आला.
तपासादरम्यान संबंधित महिला आरोपी ही वेश्याव्यवसाय करण्याच्या उद्देशाने अश्लील व लैंगिक हावभाव करत तसेच शब्द उच्चारून येणाऱ्या-जाणाऱ्या नागरिकांना अडथळा निर्माण करत असल्याचे निष्पन्न झाले. या कृत्यामुळे सार्वजनिक शिष्टाचार व सभ्यतेचा भंग होत असल्याने तिच्याविरुद्ध कारवाई करण्यात आली.
या प्रकरणी अनैतिक व्यापारास प्रतिबंध अधिनियम १९५६ च्या कलम ८ अंतर्गत गुन्हा दाखल करण्यात आला असून, ६ एप्रिल २०२६ रोजी रात्री ९.०१ वाजता गुन्हा नोंदविण्यात आला आहे. फिर्यादी म्हणून पोलीस कॉन्स्टेबल सोमनाथ बाळु खळसुडे (ब. नं. ३०६३) यांनी तक्रार दिली आहे.
संबंधित महिला आरोपीस भारतीय नागरीक सुरक्षा संहिता २०२३ च्या कलम ३५(३) अन्वये नोटीस बजावण्यात आली असून, पुढील तपास पोलीस उपनिरीक्षक गपाट यांच्या मार्गदर्शनाखाली सुरू आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
