चिंबळी फाट्यावर ‘कल्याण मटका’ जुगार अड्ड्यावर छापा; दोघांवर गुन्हा
पिंपरी-चिंचवड |
नाशिक-पुणे महामार्गालगत चिंबळी फाटा परिसरात सुरू असलेल्या ‘कल्याण मटका’ जुगार अड्ड्यावर पोलिसांनी धाड टाकत कारवाई केली असून, दोघांविरुद्ध गुन्हा दाखल करण्यात आला आहे. ही कारवाई ६ एप्रिल २०२६ रोजी सायंकाळी सुमारे ४.४५ वाजण्याच्या सुमारास करण्यात आली.
पोलिसांकडून मिळालेल्या माहितीनुसार, मौजे कुरुळी (ता. खेड, जि. पुणे) हद्दीत हॉटेल महाराजा जवळ काही व्यक्ती जुगार चालवत असल्याची माहिती मिळाली होती. त्यानुसार दक्षिण महाळुंगे एमआयडीसी पोलीसांनी घटनास्थळी छापा टाकला.
या कारवाईदरम्यान आरोपी प्रतीक उत्तरेश्वर दुनघव (वय ३०, रा. खंडोबा माळ, चाकण) व आकाश शिवाजी जाधव (वय ३०, रा. खंडोबा माळ, चाकण) हे ‘कल्याण मटका’ नावाचा जुगार खेळवत लोकांकडून पैसे घेताना रंगेहात आढळून आले.
या प्रकरणी महाराष्ट्र जुगार प्रतिबंधक अधिनियम १८८७ च्या कलम १२ (अ) अंतर्गत गुन्हा नोंदविण्यात आला असून, भारतीय नागरी सुरक्षा संहिता २०२३ च्या कलम ३५(३) अन्वये दोन्ही आरोपींना नोटीस बजावण्यात आली आहे.
या संदर्भात पोलीस शिपाई शिवाजी वसंत मरकड (ब. नं. ३३५९) यांनी फिर्याद दिली असून, गुन्हा ६ एप्रिल २०२६ रोजी सायंकाळी ७.५५ वाजता दाखल करण्यात आला आहे.
सदर कारवाई पोलीस उपनिरीक्षक करे यांच्या मार्गदर्शनाखाली करण्यात आली असून, पुढील तपास सुरू आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
