पुणे: रुग्णसेवा आणि ज्येष्ठ नागरिकांच्या आरोग्यासाठी सातत्याने समर्पित भावनेने कार्य करणारे माय माउली केअर सेंटर व लायन्स क्लब ऑफ पुणे कात्रजचे संस्थापक अध्यक्ष विठ्ठलराव वरुडे पाटील यांना ‘आदर्श समाजसेवक’ पुरस्काराने सन्मानित करण्यात आले. आंतरराष्ट्रीय व्यंगचित्रकार दिनानिमित्त युवा संवाद सामाजिक संस्थेच्या वतीने ‘दैनिक चालू वार्ता’ पुरस्कृत हा सोहळा बालगंधर्व रंगमंदिर येथील कला दालनात उत्साहात संपन्न झाला.
या सोहळ्याला राजकीय आणि सामाजिक क्षेत्रातील अनेक दिग्गज उपस्थित होते. यामध्ये पुणे महानगरपालिकेचे उपमहापौर मा.परशुराम वाडेकर, शिवसेना (उबाठा) उपनेत्या श्रीमती सुषमाताई अंधारे, नगरसेवक व स्थायी समिती सदस्य मा. संदीप बेलदरे, तसेच मा. दिलीप जगताप, मा. शशिकांत कांबळे, मा. बाळासाहेब धोका, युवा संवाद संस्थेचे अध्यक्ष मा. धनराज गरड, मा. किशोर शितोळे आणि मा. गौरव सर्जेराव यांचा समावेश होता. या मान्यवरांच्या हस्ते वरुडे पाटील यांना गौरवण्यात आले.
संस्थेचे अध्यक्ष धनराज गरड यांनी आपल्या मनोगतात विठ्ठलराव वरुडे पाटील यांच्या कार्याचा आढावा घेतला. गेल्या १५ वर्षांपासून वरुडे पाटील यांनी रुग्णसेवेच्या क्षेत्रात, विशेषतः वृद्धांच्या आरोग्यासाठी जे अखंड कार्य केले आहे, त्याचे त्यांनी विशेष कौतुक केले. याप्रसंगी विविध क्षेत्रांतील व्यंगचित्रकार, सामाजिक, राजकीय आणि शैक्षणिक क्षेत्रातील कार्यकर्त्यांचाही सन्मान करण्यात आला.
सत्काराला उत्तर देताना विठ्ठलराव वरुडे पाटील यांनी सांगितले की “अशा सन्मानांमुळे सामाजिक क्षेत्रात काम करण्यासाठी नवी ऊर्जा आणि प्रेरणा मिळते. यामुळे सामाजिक जबाबदारीची जाणीव अधिक प्रगल्भ होते. भविष्यातही समाजसेवेचे हे व्रत मी अधिक जोमाने पुढे नेईन. मला मिळालेला हा पुरस्कार मी आजवर सेवा केलेल्या सर्व ज्येष्ठ आणि वृद्धांना समर्पित करतो.”
या कार्यक्रमाला युवा संवाद सामाजिक संस्थेचे पदाधिकारी, कार्यकर्ते, महिला प्रतिनिधी आणि विविध सेवाभावी संस्थांचे प्रतिनिधी मोठ्या संख्येने उपस्थित होते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
