पुणे:
पुणे शहर पोलिसांच्या विमानतळ पोलीस स्टेशनच्या पथकाने एका धडक कारवाईत प्रतिबंधित ई-सिगारेट आणि हुक्का फ्लेवरची ऑनलाईन बेकायदेशीरपणे विक्री करणाऱ्या एका मोठ्या रॅकेटचा पर्दाफाश केला आहे . या कारवाईत पोलिसांनी एकूण १,४२,६९०/- रुपयांचा मुद्देमाल जप्त केला असून दोन आरोपींना अटक केली आहे .
बनावट गिऱ्हाईक पाठवून रचला सापळा
विमानतळ पोलीस स्टेशनच्या हद्दीत ऑनलाईन पद्धतीने बेकायदेशीर ई-सिगारेट आणि हुक्का फ्लेवरची विक्री होत असल्याची खात्रीशीर बातमी पोलीस अंमलदार हरीप्रसाद पुंडे यांना मिळाली होती . या माहितीच्या आधारे पोलिसांच्या पथकाने दिनांक ३०/०६/२०२६ रोजी एका बनावट ग्राहकामार्फत ऑनलाईन हुक्का फ्लेवरची ऑर्डर दिली .
त्यानंतर सीसीडी चौक, कोनार्कनगर सोसायटीजवळ, विमाननगर, पुणे येथे सापळा रचण्यात आला . ऑर्डर घेऊन आलेल्या एका ‘पोर्टर’ (Porter) डिलिव्हरी बॉयला पोलिसांनी जागीच ताब्यात घेतले . त्याच्या जवळील पार्सलची झडती घेतली असता, त्यामध्ये १८,३२०/- रुपये किमतीचे प्रतिबंधित हुक्का फ्लेवर जप्त करण्यात आले .
’शिशा कॉर्नर’ दुकानावर छापा
डिलिव्हरी बॉयची कसून चौकशी केली असता त्याने हे पार्सल कुठून आणले, त्या ठिकाणाची माहिती दिली . या माहितीच्या आधारे विमानतळ पोलीस स्टेशनचे तपास पथक प्रभारी अधिकारी पोलीस उप-निरीक्षक नितीन राठोड व त्यांच्या पथकाने ‘शिशा कॉर्नर’ (शॉप नंबर ५, कड नगरचौक, एनआयबीएम रोड, एचडीएफसी बँक हिल्स अँड डेल्स, मोहम्मदवाडी, पुणे) या दुकानावर छापा टाकला .
या छाप्यात पोलिसांनी खालील दोन इसमांना ताब्यात घेतले :
१) असद चांदमिया बरभैया (वय ३१ वर्ष, रा. बैगदीनगर, कोंढवा, पुणे)
२) विकास रमेश बागुल (वय ३३ वर्ष, रा. मोहम्मदवाडी, पुणे)
सदर दुकानाच्या झडतीमध्ये पोलिसांना १,२४,३७०/- रुपये किमतीचे प्रतिबंधित हुक्का फ्लेवर, ई-सिगारेट व इतर संबंधित साहित्य मिळून आले . पोलिसांनी डिलिव्हरी बॉय जवळील पार्सल आणि दुकानातील साठा मिळून एकूण १,४२,६९०/- रुपयांचा मुद्देमाल जप्त केला आहे .
गुन्हा दाखल
अटक करण्यात आलेल्या आरोपींविरुद्ध विमानतळ पोलीस स्टेशन येथे गु.र.नं. ३१७/२०२६ अन्वये इलेक्ट्रॉनिक्स सिगारेट उत्पादन, आयात, निर्यात, वाहतूक, विक्री, साठवणूक व जाहिरात प्रतिबंध अधिनियम २०१९ चे कलम ७ व ८, तसेच सिगारेट व तंबाखूजन्य इतर उत्पादने (जाहिरात प्रतिबंध आणि व्यापार, वाणिज्य, उत्पादन, पुरवठा आणि वितरण विनीयमन) अधिनियम २००३ व २००४ चे कलम ७(२), २०(२) नुसार गुन्हा दाखल करण्यात आला आहे .
कारवाई करणारे पोलीस पथक
सदरची उल्लेखनीय कामगिरी पुणे शहर पोलिसांच्या वरिष्ठ अधिकाऱ्यांच्या मार्गदर्शनाखाली करण्यात आली . यामध्ये खालील अधिकाऱ्यांचा व कर्मचाऱ्यांचा समावेश होता :
मार्गदर्शक अधिकारी:
श्री. मनोज पाटील (मा. अपर पोलीस आयुक्त, पूर्व प्रादेशिक विभाग, पुणे शहर)
श्री. अबिनाश कुमार (मा. पोलीस उपायुक्त, परिमंडळ-०७, पुणे शहर)
श्री. सुनील दोरगे (मा. सहा. पोलीस आयुक्त, खराडी विभाग, पुणे शहर)
थेट नियंत्रण व सूचना:
श्री. गोविंद जाधव (वरिष्ठ पोलीस निरीक्षक, विमानतळ पोलीस स्टेशन)
श्री. महेश बोलके (पोलीस निरीक्षक – गुन्हे)
तपास पथक:
नितीन राठोड (पोलीस उप-निरीक्षक)
पोलीस अंमलदार: हरीप्रसाद पुंडे, लालु कन्हे, राहुल जोशी, रुपेश पिसाळ, योगेश थोपटे, सचिन मांजरे, अंबादास चव्हाण, दिगंबर गोरे, राजीव टोंम्पे, प्रशांत सुतार, अंकुश जोगदंडे, आशा धादवड आणि सना शेख .
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
