संजय वैरागरवर जातीवादी हल्ल्याचा निषेध — सत्यशोधक लहुजी क्रांती सेनेचे पोलीस अधीक्षकांना निवेदन; आरोपींना तत्काळ अटक न झाल्यास २५ तारखेला रास्ता रोकोचा इशारा
अहिल्यानगर — सोनई (तालुका नेवासा) येथील संजय नितीन वैरागर या तरुणावर काही जातीवादी प्रवृत्तीच्या लोकांनी हल्ला करून त्याला ठार मारण्याचा प्रयत्न केल्याच्या घटनेचा निषेध करण्यासाठी आज सत्यशोधक लहुजी क्रांती सेनेच्या वतीने पोलीस अधीक्षक अहिल्यानगर यांना निवेदन देण्यात आले.
या प्रकरणात एक आरोपीला अटक झाली असली तरी उर्वरित दहा आरोपी अद्याप फरार असल्याने संताप व्यक्त करण्यात आला. आरोपींना तातडीने अटक न झाल्यास २५ ऑक्टोबर रोजी नगर–औरंगाबाद रोडवरील घोडेगाव येथे रास्ता रोको आंदोलन करण्यात येईल, असा इशारा सेनेच्या पदाधिकाऱ्यांनी प्रशासनाला दिला आहे.
हे निवेदन डी.वाय.एस.पी. शिरीष वमणे साहेब यांना देण्यात आले. यावेळी सत्यशोधक लहुजी क्रांती सेनेचे जिल्हाध्यक्ष नंदू भाऊ शिंदे, राज्य प्रवक्ते निलेश भाऊ जगधने, राहुरी तालुका अध्यक्ष सतीश भांड, तालुका कार्याध्यक्ष सचिन नन्नवरे, ॲड. कुमार भिंगारे, सामाजिक कार्यकर्ते संजय संसारे, वाहतूक जिल्हाध्यक्ष बाबा आडगळे, वाहतूक तालुका अध्यक्ष श्याम नन्नवरे, गुहा शाखाध्यक्ष अमोल भांड, सचिन शिंदे आदी पदाधिकारी व कार्यकर्ते उपस्थित होते.
संघटनेने प्रशासनाला इशारा दिला आहे की, जातीवादी प्रवृत्तीला पाठीशी घालणाऱ्या गुन्हेगारांवर कठोर कारवाई न झाल्यास व्यापक आंदोलन उभे राहील
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
