पुणे:
‘ड्रग्ज फ्री’ पुणे करण्याचे ध्येय गाठण्यासाठी पुणे शहर पोलीस दलाने अंमली पदार्थ विक्रेत्यांविरोधात जोरदार मोहीम उघडली आहे. याच मोहिमेचा भाग म्हणून, पुणे शहर गुन्हे शाखेच्या अंमली पदार्थ विरोधी पथक-१ ने कारवाई करत तब्बल ५ कोटी ७९ लाख १० हजार रुपये किमतीच्या मेफेड्रॉन (एम.डी.) या अंमली पदार्थासह एका रेकॉर्डवरील सराईत गुन्हेगाराला जेरबंद केले आहे.
नेमकी घटना काय?
मिळालेल्या माहितीनुसार, ८ जुलै २०२६ रोजी रात्रीच्या वेळी अंमली पदार्थ विरोधी पथक-१ चे पोलीस अधिकारी आणि अंमलदार रात्रगस्त घालत होते. ९ जुलै २०२६ रोजी पहाटेच्या सुमारास (०४:४९ वा.) पथकातील जवानांना कात्रज चौकातील आयसीआयसीआय (ICICI) बँकेसमोरील नवीन उड्डाणपुलाखाली, सावंत कॉर्नर व बस स्टॉपजवळ एक संशयित इसम प्रवासी बॅग घेऊन फिरताना दिसला.
पोलिसांनी संशयावरून त्या इसमाची झडती घेतली असता, त्याच्याकडे २ किलो ८९५ ग्रॅम वजनाचे मेफेड्रॉन (एम.डी.) सापडले. जप्त करण्यात आलेल्या अंमली पदार्थाची आंतरराष्ट्रीय बाजारातील किंमत ५ कोटी ७९ लाख रुपये इतकी आहे. याव्यतिरिक्त १० हजार २५० रुपये किमतीचे इतर साहित्यही पोलिसांच्या हाती लागले आहे.
गुन्हा दाखल
ताब्यात घेण्यात आलेल्या आरोपीचे नाव प्रशांत सुरेश सावंत (वय ३८, रा. येरवडा, पुणे; सध्या रा. खेसेपार्क, लोहगाव रोड, पुणे) असे आहे. याप्रकरणी अंमली पदार्थ विरोधी पथकातील पोलीस अंमलदार अतुल क्षिरसागर यांनी दिलेल्या फिर्यादीवरून भारती विद्यापीठ पोलीस स्टेशनमध्ये गुन्हा दाखल करण्यात आला आहे (गु.र.नं ३६८/२०२६, एन.डी.पी.एस. ॲक्ट कलम ८ (क), २१ (क)). प्रकरणाचा पुढील तपास पोलीस उपनिरीक्षक योगेश कोतकर करत आहेत.
पोलीस पथकाचे अभिनंदन
ही कारवाई पुणे पोलीस आयुक्त श्री. अमितेश कुमार, सहपोलीस आयुक्त श्री. संजय दराडे, अपर पोलीस आयुक्त (गुन्हे) श्रीमती तेजस्वी सातपुते, पोलीस उपायुक्त (गुन्हे) श्री. गौहर हसन आणि सहायक पोलीस आयुक्त (गुन्हे-३) श्री. शंकर खटके यांच्या मार्गदर्शनाखाली करण्यात आली.
ही यशस्वी कामगिरी अंमली पदार्थ विरोधी पथक-१ च्या वरिष्ठ पोलीस निरीक्षक श्रीमती तृप्ती सोनवणे, सहा. पोलीस निरीक्षक अनिल सुरवसे, पोलीस उपनिरीक्षक योगेश कोतकर आणि पोलीस अंमलदार विठ्ठल साळुंखे, संजय राजे, विजय कांबळे, निशिकांत सावंत, तुषार साळुंके, अतुल क्षिरसागर, मंगेश गुंड, अमोल सरडे, विशाल भिलारे, सचिन लोहार, आशा भिंगारे यांच्या पथकाने केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
